我:「咩傻仔呀,我個劇本擺上網,7日有70萬點擊率咖,好多人pm我出結局,連續三日都高舉熱門榜。」


媽咪:「唔知你啦,你真係傾好對白,唔好穿煲,你爺爺受唔起咁大打擊……不過我始終認為,結婚呢家野,你要慎重諗清楚。」

我:「最佳新演員,最佳男配角,最佳編劇,最佳原創音樂,最佳原創歌曲,最佳導演,最佳男主角……我會成為金像獎唯一一個一人豪取七獎項既神級演員。」

爹地:「所以我幾時都話你係叻仔黎既。」

我:「0靚仔,抄我對白?不過你都講得幾啱聽,我呢d精英唔撈編劇真係嘥曬。」



食飯時候既輕鬆,唔代表現實當中會好輕鬆。



心諗,邊度搵條女扮我女朋友?離開香港幾日,又點同永芹解釋

今次呢個劇本真係要做到兩全其美,既唔會俾永芹知,亦唔會俾爺爺佢地識穿。




所以好考我呢個男主角既功力,於是我馬不停蹄,就上高登開post


「月薪2萬蚊,扮我女朋友返大陸探親。」


正當我以為2皮野搵出租女友,太少既時候,想加碼之際,已經收到個pm:

「Hi,巴打,我whatsapp電話:98471228




咸濕佬基因,第一時間set電話落contact,睇下佢咩樣。掃完whatsapp既refresh,見到9847 1228係貓仔icon

於是我即刻whatsapp佢hi佢,第二句已經係:

「有冇圖睇睇?」


而個女仔即刻send自拍俾我,一睇,要清純有清純,要氣質有氣質,望真少少,仲有丁點兒異國風情。咦呢個女主角掂呀。

「你叫咩名?」

「Ivy。」

「誠如我post所言,唔會咩咩你,可能有機會要你配合演出,拖下手咁,主要都係同老人家傾下計。我今次都係想俾個答覆俾我爺爺嫲嫲「手天使的愛情」,唔想佢地再操心我人生大事,所以先搵你幫手。」



「我OK呀

「點解你好似一d都唔驚我係衰人?冇問題問我既?

「你係亞臣wor。我係你讀者黎

「堅?

「你對上個個故,出租絲打我都睇過 舊年就有個冷氣故,黑獄故爛尾,仲有半生緣同電訊界血淚史……仲有你個足球page

「你好熟悉我wor

「我每日都睇下你個Account,出咩post,我都會追下咖



「咁好啦,下個禮拜一,陪我返廣州,我先俾·一萬蚊你,返黎想俾一萬你,車費等等我全包……都係個句,我肯定唔會抽你水……」

「得啦,信曬你


至於我點解咁急返大陸,皆因呢半年內,我爺爺嫲嫲先後入院,忽然敲醒我既神經,以前我成日覺得我既拍拖時間我既結婚時間,我決定。但係眼見爺爺嫲嫲入院, 尤其係爺爺,喺鬼門關返返黎,我明白到,我有必要製造一次一生人最完美既謊言。我唔想,爺爺嫲嫲走之前,都牽掛緊我,仲擔心緊我未拍拖。


搵出租女友,係唯一出路。


入院後既爺爺嫲嫲,應該唔會再黎香港咖啦,所以我打算親自去一次,俾佢地安心,阿孫仔我拍拖啦。


Ivy既爽快應承,令我喜出望外。



咦,寫故都有女讀者 可能人地兩皮野都唔使我俾,擺明想做我女朋友


呢個時候,電話響起,係永芹打黎。


「雅輝,喺度做緊咩?」

「睇緊電影 天使之戀」

「掛住睇電影都唔打電話俾我!」

「啱啱先唔覺意打開黎睇。」



「你好似好開心咁wor」

「呢套電影,掂呀,好睇呀。」當然,我唔會同佢講,我唔係因為電影而高興,而係因為自己有女讀者對我仰慕而係高興。

「套電影講咩咖?」

「其實呢就係咁既,女主角佐佐木希係援交妹,後來邂逅離婚既型男教師,緣份驅使之下,女主角鐘意咗眼前呢個木獨既教師,然後好俾心機讀書考試,最後仲考到好成績,約老師出街,然後拍拖拖。」

「咁個之後呢?」

「佐佐木希為咗個教師而從良,冇做援交,而佢地都開始拍拖 而去到中後段就講個教師其實有病要做大手術,教師於是選擇同佐佐木希分手。幾個月之後,佐佐木希一個人行上山,照之前拍拖時候既約定睇下男主角仲會唔會 黎。點知真係俾佢見返個教師,但教師失憶,唔認得佐佐木希。天空亦下起雨,正當以為係sad ending既時候,教師出現拎遮為佐佐木希擋雨。原來教師冇失憶,仲記得個約定。兩人擁抱。」

「咁我同你之間既故事,會係咩ending

「結婚,生BB,無論男女,都叫林雅芹

「哈哈。」

「你,同你爹地媽咪講咗我地之間既事未?」



「嗯,我同爹地媽咪講咗我地之間既事情。」

「咁……佢地……點講?」


「佢地話點解咁耐都未見過你呀,想約你食餐飯呀。」

「真咖?」

「如果我講大話,就爛袋袋

「袋袋?」

「袋袋,廣東話正字,英文係Spring Pocket,意思係帶著春意既細袋。」

「即係咩黎?」

「遲d再解釋俾你聽,好冇?總之係男人最重要既野黎。」

「scrotum呀嘛」

「士哥騰?咩黎?足球術語,入波?」

「哼,咪咩咩lor」

「春袋lor,陰囊呀小姐。我地係香港人黎咖,梗係講中文啦,成日講英文,你有冇檢討過自己既愛國成份唔夠濃厚?」

「但香港唔係一個國家啵……」

「形式上暫時唔係,但我心目中,係!

「咁我地既對話會唔會俾中央竊聽到,然後拉我地咖?」

「唔使驚,只要我地心中有愛,落到監房都可以做鴛鴦,雖然苦d,但都係鴛鴦,我係咖啡,你係奶茶,我多d就苦d,你多d就甜d。」

「係啦,水蜜桃哥哥」

「好啦,今晚我地又黎傾下電影,旺角卡門,王家衛唯一一套我係能夠靜靜地睇曬既電影。」



於是,呢個晚上,我就將旺角卡門既影像版,轉成文字版講俾永芹聽。好在亞臣我睇得港產片多,一日一電影都冇甩拖。

永芹好鐘意聽電影,自然增加咗我既興致 我都好鐘意講電影咖

「雅輝,我有個好消息要話俾你聽。」

「你有咗我地既BB?

「唔係呀。」

「每日見到你就係最好既消息,仲有好消息?」

「下個月我要過美國,做眼既手術。」


呢半年黎,永芹從未同我講過佢有機會復原,而我都冇諗過呢佢會復原,此時此刻既心情,既開心又複雜。

開心既係,永芹有機會睇返野。

複雜既係,如果永芹睇返野,仲會唔會要我


一直以黎,之所以我會咁鐘意永芹,唔介意佢睇唔到野,因為咁樣我同佢相處先會咁舒服,我呢個弱視弱聽既人,先有勇氣喺女仔面前做自己。

平時我係比較鵪鶉咖。



「做手術?即係你對眼會好返?

「未知,但搵到個doctor話有信心做。所以我地諗住試下。」

「好」

「咦,輝輝,你做乜唔講野既?」

「冇,諗緊你好返,我地去邊度慶祝啫」

「去日本玩 你唔係話過,大阪有櫻花,東京有綠茵,鹿島有鹿角,草津有溫泉……哈哈,好多好地方。」

「咁我地于千金如果睇返野,見到林雅輝,會唔會仲咁愛佢咖

「會呀,仲會好錫佢添。」

「驚幻想同現實有落差,你會一腳伸我出街

「點會呀?我家雅輝咁冇自信既?唔似你啵。」

「我係咪可以陪你去美國咖?」

「唔使呀,我希望我返黎,俾個驚喜你。本身都唔諗住同你講,但我今日真係忍唔住,先同你講。我真係好想見到你

「我都好想見到你見到我呀,永芹BB

「唱歌俾我聽啦

「咁我推介,我偶像蔡楓華既首本金曲,經典中既經典,傳奇中既傳奇,《愛在深秋》



想 我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理
想我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理想

今朝擘大眼成日就無所事事
唔聽收音機 尋晚又打爆o左個電視
唔雀衫四圍走 三點幾至起身落樓
頭髮就一舊舊 著件老西又要摺袖
有事搵我呢 就完全唔知~
說話講野呢 就語無倫次~
等我話你知 我話知你
明知故問 我係乜都唔會理
我幻想 日日就乜都唔駛想
坐響街邊睇D人 來來去去 男男女女
離離合合 散散聚聚
想要自由唔要一切負累
我要我要每個人開開心心~
痛痛快快尋開心~
偏偏又要醒返 返到呢個世界
聽朝又要番工 同時間鬥快

想 我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理
更多更詳盡歌詞 在 ※ Mojim.com 魔鏡歌詞網
想我都好想好似中o左頭獎
有野唔洗做 老細又吹我唔漲
日日等出糧 無乜野需要緊張
就係咁o既樣 乜都唔駛撈就至理想

(唉…真係前世唔收囉
租先唔知做錯乜傢伙 生出來D敢ge衰胎
有工又唔去做 一味掛住玩
唔餓死我 都餓死你啦…)

哎吔吔 係人係鬼 捱騾仔
無曬計 如果可以停低 獻世都無所謂
(可以俾我有一次無事出返去都市)
但係個現實就係唔到你想
無話你想就想又邊有半斤八兩
三番四次 定係三心兩意
又或係一心一意 搵出個意義做人唔容易
每個人有一個故事 返到呢個城市
咪又係得個做字

 
已有 0 人追稿