社交網絡屠城記: 第九章 謊言

第九章 謊言


警員：你同死者係咩關係？
 
XXX：舊同事。。我地以前係同一個部門。。
 
警員：你地之間嘅關係點？
 
XXX：以前做野比較多合作。。佢無做之後。。間中都會聯絡下。。不過主要係工作關係。。




 
警員：你覺得死者係一個點樣嘅人？
 
XXX：工作認真。。對同事都幾 nice。。我地私底下唔係成日接觸。。主要講公事多。。其他野唔係咁清楚。。
 
警員：我地係死者部電話裡面，搵到好多男性電話，死者生前既男女關係如何？
 
XXX：唔清楚。。好似有啲複雜。。你都知。。我地 PR 行業接觸比較多人。。
 
警員：你上一次同死者見面係幾時？




 
XXX：今日中午。。
 
警員：為左咩原因見面？
 
XXX：先前有個客佢跟開。。想問佢啲野。。
 
警員：你地大約見左面幾來？
 
XXX：半個鐘左右。。之後我趕住去見客。。




 
警員：之後，佢又打左一次電話比你，你係最後一個同佢通過電話既人，你地傾左咩野？
 
XXX：我地。。佢。。佢話比人騷擾！好驚！
 
警員：比人騷擾？詳細啲？
 
XXX：我唔太清楚。。佢淨係話係 Make Fun 認識既一個男人。。個男人成日搵佢。。
 
警員：咁。。
 
XXX：呀 Sir！會唔會係 Make Fun 殺左佢？聽講先前個啲死者！全部都係 Make Fun 既會員！
 
警員：班傳媒做新聞啫，你做 PR，應該好清楚喇
 




XXX：又係。。。
 
警員：點解死者唔係見面個時講，反而要係你地分開之後，唔夠半個鐘，特登打電話黎同你講依件事
 
XXX：嗯。。可能個時好多人。。佢唔方便講。。因為我地約左係公司附近見。。好多佢都識既同事係到食 lunch。。
 
警員：咁你地見面個時，佢行為有無咩異常？
 
XXX：嗯。。好似有啲。。但我以為大肚婆都係咁。。所以無多問。。
 
警員：另外，我地係死者部電話到，搵到好多自拍既裸體照片，我地懷疑佢可能進行賣淫活動，你知唔知道咩消息？
 
XXX：我。。唔知。。真係諗唔到佢會咁做。。
 
警員：最後，關於死者比人騷擾依件事，我覺得有啲奇怪，點解佢唔同身位警察既丈夫講，而係同你講，一個前同事




 
XXX：嗯。。啊！我記得佢曾經講過！佢老公疑心好重，如果知道左件事，可能又會打佢！
 
警員：又會？！
 
XXX：係。。佢以前都試過比佢老公打。。但人地家事。。我唔想多問。。







 
警員：好！多謝你提供左一個咁重要既缐索！之後如果需要你協助調查，我地會再通知你

Joanna：無問題