[惡搞無極限] 就係咁，我同幾個豬朋上左大陸獵金: ２　阿爸

由細到大，我都好好奇一件事，就係唔知點解，每次阿媽帶我去酒樓食飯果陣，都會有一兩個三唔識七既人行過黎，鞠躬叫聲＂阿嫂妳好＂就走左。 

而我阿媽次次都小到佢地七彩咁。 

到大少少我先知道，原來我阿爸係江湖大哥，果Ｄ人係跟我阿爸既。 

講到呢到我唔係想炫耀自己有個江湖阿爸好巴閉，而且我一Ｄ　都唔覺。 

我只記得係十二歲果一年，有一日，我第一次見到阿爸係有太陽既日頭出現係屋企入面，仲同我講左句：「賢仔，你以後要好好照顧呢頭家，好好睇住你阿媽。」 





然後，我就再無見個我阿爸，而家記返起，我仲以為佢講既照顧只係維持一晚，點知係直到現在，早知既話果日就唔會咁易應成佢。