[惡搞無極限] 就係咁，我同幾個豬朋上左大陸獵金: １５　圍城

最後我帶左阿欣去左一間７仔度食咖哩魚蛋，好彩呢間７仔有，唔係阿欣實反轉呢間７仔，佢已經有前科，佢上次夠膽死遂罐汽水係度狂搖再放返入個冰櫃到，然後係個門口前面睇Ｄ　人一開噴到自己成身都係。 

「阿賢，啊～」佢伸左粒魚蛋比我，而我都好聽話咁食左。 

「頭先玩得開唔開心啊。」阿欣問緊，我即刻點頭，如果我搖頭，佢一定會帶我去第二度再玩過。 

「係就好ＬＵ。」佢講完之後就挨左係我度，「你知唔知頭先爆人樽果陣，幾刺激，幾好玩啊，我地下次再去過好唔好啊？」 

唔撚係話小姐，仲去，妳要知道個老闆肯唔肯做妳生意先得架。 





我真係好想咁答佢，但係如果我咁答，我實死，所以我都係唯有……

「好……」 係我講完呢句之後，我見到出面開始多人，但係夜晚晚，點解仲會有咁多人係出面，仲要係水泄不通咁多人。 

「阿賢啊，出面好似好熱鬧咁ＷＯ。」阿欣同我講。

「係啊……」但我有一個不祥既預感，因為果班人坐部都係望緊入呢間７仔度，唔通係頭先大排檔Ｄ人吹雞？