[惡搞無極限] 就係咁，我同幾個豬朋上左大陸獵金: ４５　終於到岸

成程船，就係睇住著草小姐既波濤洶湧下，到左都唔知道，無我諗既著草餐，亦都無果位老坑講既表演。 

我只係知道，我同紅毛面對住咁波濤洶湧之下，都無暈船浪，可能係因為大家都好專注咁睇住同一樣野掛。 

船慢慢靠岸，果位老坑又講左成三個字既廢話後先比我地上船。 

「……仆你個街……下次我一定唔會坐『頭等』……」其中一個怒漢邊講邊嘔。 

呢位先生，咩你仲想有下次咩，著草ＷＯ，每個人都應該覺得一次都會太多。 





「好拿，你地有戴回鄉證既就比我啦，我幫你地去整個印，你地而家就跟著草小姐去一個場方等等啦，整好之後我就會比返大家架拿。」 

在場每個人都拎左回鄉證比個老坑，然後跟住著草小姐去到一間屋仔度。 

入到屋，著草小姐就話：「如果你地有準備飛機卡既話，請等一陣先換，因為而家呢度都未必安全，等行遠Ｄ呢個地方換都未遲。」 

換飛機卡！？咩呢Ｄ要換架咩？ 

我聽到著草小姐咁講，好奇咁問左係我隔離既紅毛：「其實咩係飛機卡？」 





紅毛好唔奈煩咁話，「兩用電話卡啊，你以為係Ｄ咩。」 

我尷尬咁笑左笑，「無……因為唔知所以問下姐。」 事關我真係信左舅父ＳＥＮＤ　比我果條片，戴左張蒼老師既相……

舅父，又比你玩左次……