[惡搞無極限] 就係咁，我同幾個豬朋上左大陸獵金: ５１　講返廣東話

就正當我我收埋緊條鏈咀之際，一個人突然間係我身後面，好大力咁拍左我膀頭一下。 

「咁早啊你。」 我嚇左一跳，條鏈咀跌左落地，我視線一直跟住條鏈咀，然後我見到一個包紮左既紅毛頭出現係我同鏈咀既視線之間出現。

「咩黎架？」紅毛執起左我跌左落地下既鏈咀。 

「鏈姐，無咩特別。」我一手搶返條鏈，而紅毛見到我既反應，就話：「有寶咩，你條女送架。」 

我無應紅毛，而佢見我唔多應佢都無理我，轉向問服務枱既阿姐：「令女，禾想門拿女油洞西痴？」 





「靚仔，你都係講返廣東話啦。」個阿姐秒回。 

尷尬……我地兩個都好撚尷尬。 

早餐我地兩個好求其咁食左Ｄ野就算，食果陣時紅毛同我講：「一陣去搵下點去你尋晚話你想去既地方。」 

「我今朝早問左個阿姐，佢話可以坐車去。」 

「估唔到你辦事效率都幾快架ＷＯ。」紅毛笑笑口咁講：「咁食完就行啦。」 





我點一點頭，然後問：「我想買左電話卡先，唔係一陣唔見左你都唔知點同你聯絡。」 

「咁一陣返去問個阿姐，你記住用廣東話問，唔係又比佢串。」 

「……緊係啦。」