[惡搞無極限] 就係咁，我同幾個豬朋上左大陸獵金: ５３　起飛拿

係我正想叫阿俊唔好理佢之際，阿俊已經開口話，「我地有個地方想去……」

佢仲好快咁係我個衫袋拎左個地址出黎，「我地想去呢度。」 

個乸乸地既大叔睇到個地址後，微笑左一下，「哦，原來係呢度，我都係去呢度，你地上車啦。」 

「真係，正！」個阿俊聽到個乸乸地大叔講既野後，就即刻打開左後座既車門，「你仲企係度做咩啊，快撚Ｄ上車啦，出面好熱啊。」 

唔撚係啊，呢個人三唔識七，你夠膽上佢架車，佢仲要係乸乸地，一陣間會唔會車我地去某個山頭姦左我地架。 





係我諗緊之際，我望到個乸乸地大叔好淫邪咁係倒後鏡望住阿俊。 

仆街，唔撚係咁黑仔掛。 

「今日出路遇貴人，呢次有運行ＬＵ。」阿俊話。 

阿俊，你古惑仔咩野都唔驚姐，但係我唔係，我驚我朵小菊花變太陽花架。 

「靚仔，你仲唔上車。」個乸乸地既大叔用佢好淫邪既眼神望住我，「呢度一日只有兩班車，一早一晚，早果班已經走左，要等下一班就要等到咁晚１２點左右。」 





「嘩！咁撚夜！阿賢你聽到啦，咁你仲唔快Ｄ上車。」佢一路講，一路落返黎推左我上車，我唔夠佢大力，所以…… 

「兩位同志坐穩，起飛拿。」乸乸地既大叔好興奮咁話。 

「起飛！」阿俊都跟埋一整興奮。 

呢一刻，我有少少羔羊既感覺。

話時話，呢個大叔有少少似阿雪，係林雪⋯⋯