[惡搞無極限] 就係咁，我同幾個豬朋上左大陸獵金: ６２　活在被跟下

係頭先阿俊話有人跟住我地到而家，我周身都唔聚財，心理作用下我一邊行，一邊好在意我身後面，但又唔敢回頭望下阿俊講跟住我地果兩個人。 

而阿俊就好似若無其事咁，一樣照食野。 可能，佢比人跟得多有經驗掛。 

「阿俊，果兩個人仲跟緊？」我不停咁問阿俊呢個問題，都問左佢成十幾次。 

而阿俊都好不厭其煩咁答同一個問題。 「你未咁煩啦，佢地無跟既話我就會話你知架拿。」 

就係咁，我係一個比人跟住個情形下，渡過左一個中午…… 





「終於都甩難……」我如釋重負咁坐左係一個餐廳入面。 

「希望成你貴言啦。」阿俊回答。 

「唔係咩？佢地無跟啦都。」 

「通常跟人果Ｄ，跟跟下唔跟有兩個情況，一就係佢地發現跟錯人，二就係佢地好清楚我地行縱，返去知會其他人。」

阿俊呢返說話，令到我有頭先有少少放鬆既心情又開始緊張返。 





「你講笑咋……」 

「我個樣似講笑咩？」佢好認真咁回答我。 

唉……咁姐係我仲要擔心幾耐……