[惡搞無極限] 就係咁，我同幾個豬朋上左大陸獵金: ９６ 同你地玩個遊戲
我地四個人比幾個大漢捉住左，企左係ＭＡＮ姐面前，而勞斯萊斯亦都比人捉住左，佢隻手流住血，滴到成地都係。
「妳竟然敢係『英紅吧』搗亂，妳唔怕老闆返黎果陣搵妳算帳咩？」勞斯萊斯話。
「以我而家咁既勢力，你估我會驚佢咩？」ＭＡＮ姐答，然後行到勞斯萊斯面前又話：「一陣我先慢慢同你傾，而家最重要係搞店呢四個狐狸精。」
等等！？點解而家又變左四個架？我果兩位兄分Ｏ晒咀咁望住ＭＡＮ姐，而阿倫就話：「我地只係黎旅遊，原全唔係呢位大姐所諗既咁樣架。」
「係啊係啊，我地只係遊客，唔識佢地架。」阿輝附和。
你地兩個仆街仔，又想好似果日咁走先。
「妳夠膽未做野囉！我就唔會怕妳！」阿俊，我知你係古惑仔咩都唔怕，但係可唔可以睇住我同我兩位兄分呢……
ＭＡＮ姐聽到後只係笑左幾聲，然後有一位人走左去佢旁邊，交頭接耳講左Ｄ野。
「都好。」佢講完呢句之後，就望住我地，「同你地玩個遊戲。」
搞咩啊，而家無啦啦玩咩遊戲啊。