MAN姐聽到我既問題後,眼光放到勞斯萊斯身上,「我咁愛佢,真係唔捨得放佢走架。」

佢掐住勞斯萊斯條頸,然後問我地:「我同佢係未好襯啊。」
 

我同果兩位兄弟都不停點頭話:「好襯。」

唯獨阿俊佢無出聲。
 

「你做咩唔話我地好襯!」MAN姐話。 





我地三個人不停同阿俊打眼色。 

(離開呢度先慢慢講啦。)
(係囉,我上黎旅行架咋。)
(我唔想死啊!)
 

阿倫你D眼神又唔駛咁誇張,唔駛死既……

 阿俊見到我地咁,佢今次竟然好顧全大局,答MAN姐:「襯到無野講嘛。」 





MAN姐聽到後好開心鬆返開隻手,然後話:「咁不如我同你地講下個遊戲規則同玩法係D咩。」

MAN姐佢將我地四個既回鄉證,交比左一個人,「而家我就用順豐速運,運你地四個既回鄉證比我既接頭人,而我會再派多一個人去接頭人果度,睇下係你地快D,定係順豐速運快D。」
 

下!?MAN姐咁都比妳諗到。 

「如果係你地快的話……」MAN姐一副憐惜咁望住勞斯萊斯,「……我就放過你地,同埋勞斯萊斯。」 

我聽得出,佢呢句說話帶住痛咁講,眼前係一個佢最愛既人,但係而家要放佢走,佢好唔甘心,而且,為左佢MAN姐已經放棄過咁多野…… 
已有 0 人追稿