[惡搞無極限] 就係咁，我同幾個豬朋上左大陸獵金: １３２　合體

碇司令無理到佢地既大叫，只係對住我地講：「唔見左野，就要幫我做返Ｄ野補數。」

又黎！？剛剛先幫果個ＭＡＮ姐送完貨，已家就到你，阿大哥，我自問自己好撚蠢，不如你搵過另一Ｄ人啦。

「有錢收返。」碇司令又無啦啦彈多左句。

另外個三個人聽到佢咁講後，即時彈左起身問：「幾多？」

碇司令又擺ＰＯＳＴ，「好多。」





「大哥一句說話！我地上刀山落油鑊！火裡火裡去！水裡水裡去！」阿俊哥，你上少陣身得唔得。

「無錯啊大哥！我條命就交比你！」阿倫，你可唔可以都冷靜返Ｄ。

「有左Ｄ錢，咁我未可以買最新既卡啦ＯＫ。」阿輝，而家有唱Ｋ神器架拿。

碇司令望住佢地三個好滿意咁笑一笑後，再望向我，「咁你點？」

我企左起身，拎起件衫問佢：「點解我既腰間會咁樣？」





碇司令陰陰咀笑話：「無，係你暈左果陣，我地同你做左個『小手術』姐。」佢講完仲笑得陰森。

我望住笑成咁既碇司令……唔撚係咁仆街啊！我諗返起好多年前林嘉欣既一套戲，係講佢比人割左個腎，我唔撚係比佢地……

「你地割左我個腎！？」我好激動咁話。

碇司令見到我咁，繼左陰陰咀笑，「無錯黑市器官係可以賺好多錢，但見你個樣成個虧佬咁，送比人都唔要啦，點會割左你個腎，你個腎仲好安全係你個身入面。」

佢講完呢一句，我係應該開心架係未，如果無左佢話我係虧佬果ＰＡＲＴ。





咁我再問佢：「咁你話既『小手術』係？」

碇司令好認真咁話：「我將你地果四本回鄉證好安全咁放左係你個身入面。」

ＷＨＡＴ　ＴＨＥ　ＦＵＣＫ！！！！！我同個四本回鄉證合左體！？