[惡搞無極限] 就係咁，我同幾個豬朋上左大陸獵金: １５２　點點頭

一滴……兩滴……我無諗過頭先可以騎係我物上面打我既人，而家可以喊成咁，佢緊握雙拳好似想忍住唔喊，但係佢眼淚就出賣左佢不停咁流出黎。

「條鏈……條鏈係……爺爺……爺爺……」佢喊到講唔到完整既句子。

我呢一刻個人好亂，我望住張相，見到相入面所有人既笑容都係好開心，「妳頭先話爺爺，係未姐係呢個人？」我指住左我爺爺問，而時興隆點點頭。

我再指一指相入面個細路女，「呢個係妳？」

時興隆點點頭。





我又指一指抱住細路女果個女人，「呢個係妳媽媽？」

時興隆點點頭。

我倒抽左一口涼氣，然後鼓起我既勇氣，指住相入面既我阿阿爸，問佢：「呢個係唔係妳阿爸？」

時興隆點點頭。

呢一刻，我個腦完全係空白一片，然後隔左幾秒後，一句話不停湧現……





我阿爸係時興隆阿爸，咁我係邊個……
我阿爸係時興隆阿爸，咁我係邊個……
我阿爸係時興隆阿爸，咁我係邊個……

我跌坐左係地下上面，呆左咁望住仲喊緊既時興隆，而佢呢一刻稍為抬起左個頭，望住我，「所以……所以……」佢仍然唔可以講一句完整既話。

但係我，大既知佢想講咩……

「所以我係妳阿哥？」





時興隆點點頭。

「所以妳係我個妹？」

時興隆點點頭。

阿爸！？你唔係咁大驚喜啊！你係幾時送左個妹比我架！！！