[惡搞無極限] 就係咁，我同幾個豬朋上左大陸獵金: １７２　請麻醉

一貫時興隆既揸車手法，令到我係車上面不停咁左撞右撞，整到我傷口好似嚴重左……我好想開聲同佢地講，但我而家連開聲既力都無。

而我身邊果兩位人兄真唔好提，佢地顧住自己多過顧我。

「阿哥！就快到！你頂住啊！」時興隆不時係度叫，其實……都幾嘈。

就似時興隆所講，好快佢就送左我去一間唔多易搵到既地方，果度有幾幢野，「就係度，你地快Ｄ幫手抬我阿哥落車。」

姐係咁，如果我行到我真係情願自己行，因為果三條友雞手鴨腳咁，跌左我幾次落地，又撞到個傷口好幾次。





天啊……究竟你仲要折磨我幾耐。

「醫生呢！？係邊個！？快Ｄ同我出黎！」阿妹佢癲左咁周圍叫。

「小姐，我就是這裡的醫生。」一個著到好似醫生咁既大叔行到時興隆面前。

「你就是醫生嗎？你快救救他！」時興隆佢好激動咁捉住個大叔衫領講。

個大叔走左過黎望一望我，「他為甚麼流這麼多血？」





阿大叔，流好多血咩，流好少咋ＷＯ……咦，我而家先睇真Ｄ，原來口我而家唔只普通流血咁簡單ＷＯ，係好似漏水咁流血ＷＯ。

「你不要理那麼多！總之我不要他有事！你知道碇大人是甚麼人物吧！如果他活不下來的話！你也休想活！」時興隆同個醫生講完之後，就話：「明白，那我馬上救他。」

我被佢地抬左去一張手術床上面，然後送到我入一間房，而佢地，就係房出面等。

「動手吧。」唔撚係啊，你地同我做左麻醉先搞好ＷＯ，唔係就咁……頂！你未撚伸隻手入去！好撚痛啊仆街！

「碇大人又玩這種東西嗎？」醫生同其中一個幫緊手既護士講。





「就是啊，這個年輕人真慘啊。」護士望一望我，而我都望一望個護士。而係呢一刻，個護士就同個醫生講：「醫生，我們好像忘了跟他做麻醉……」

係啊……你個仆街快手麻醉啦。