[惡搞無極限] 就係咁，我同幾個豬朋上左大陸獵金: １７８　小休時間

「頭先個護士又話去叫醫生黎，到而家都未到既，阿哥，等我去催一催佢地先。」阿妹講完就衝左出去，剩低我地四個。

「……頭先……」我條問條都未問完，阿輝就話：「頭先都幾驚險下，做做下手術有個護士出左黎話你失血過多，醫院無你岩用既血，果陣時興隆就話佢係你阿妹，用佢既血啦，好彩有佢咋，唔係我地每次拎住本回鄉證就會諗起你。」

「係啊……」阿倫話：「醫生講你既血型比較特別，親屬先可能會有岩你既血型，好彩，你先前同時興隆……你阿妹相認。」可能因為咁，將阿倫覺得時興隆唔係我阿妹既想法消除。

而企左係一邊既阿俊，佢無出聲，只係靜靜咁係埋一邊望住我地，我就問：「阿俊，你無野嘛？」

阿俊望住我地講：「就算發生左呢次事件，我都唔相信時興隆係你阿妹。」





「點解？呢次已經好足夠證明佢係阿賢個妹啦。」阿輝話。

「呢度係佢地既地下醫院，佢地講咩都得架啦。」阿俊反駁。

「你咁樣諗野都有既！」阿倫佢睇唔過眼話。

「防人之心不可無，我始終都會保留佢既身份，你地覺得係，我唔阻你地。」佢講完呢句後，就走左出間房，但正好撞到阿妹佢返黎，佢地兩個對望左一下，然後阿俊無理佢就咁行左去。

阿妹佢返左入黎話：「醫生話好快就會過黎。」





「……阿妹，頭先……」「唔緊要啦，佢有咁既諗法係正常，而且，佢唔覺得我係你阿妹唔緊要，只要阿哥覺得我係未得囉。」

「……咁，阿賢阿妹，批貨……」阿倫問。

「等阿哥休息多陣，同埋醫生睇過無事先再送啦，到時我會同碇司令交代。」阿妹話：「阿哥你好好休息，我係度陪住你。」

「嗯……」唔知點解，呢一刻我有少少掛住阿欣，然後我叫阿妹拎我部電話比我，我一拎到電話，連左上網，遵ＣＨＥＣＫ一ＣＨＥＣＫ　佢有無ＳＥＮＤ　ＭＳＧ　比我。

有幾百封ＭＳＧ，全部最後都加左一句，「我好掛住你」。





阿欣……我都係。