[惡搞無極限] 就係咁，我同幾個豬朋上左大陸獵金: ２０７　自信

呢一句唔係就咁算咁就過左六年，我同阿芳結左婚後一年就有左ＢＢ，佢幫我生左個男仔，我改左名叫佢做阿賢。

賢仔好聽話，學野好快唔駛我點擔心，但可能因為對佢咁放心，我就少左時間理佢。

而社團既野就開始忙左好多，因為暴龍佢不停咁踩過黎，我同老方都要不停咁為呢條友而操心。同時間，係呢幾年社團多左去大陸發展，而我同老方都多左時間係上面。

不過，上面既子都唔係咁易過。

「你們說要在這裡辦事，沒問題，但是也要拜一下碼頭吧，只有這裡丁點兒錢，不要開玩笑吧。」大陸Ｄ人見錢開眼已經係出晒名，但估唔到貪成咁。





有時一上到去，就要用幾個月時間同Ｄ大陸人溝通溝通，就係呢段時間冷落左阿芳令到佢有怨言，而我，亦都係呢個時間，識到另一個紅顏知已。

只不過……

「我來仲紹結你們認識一下，我女人，泙兒。」我眼前呢個女人對我微笑左一下，我睇得出既唔只係微笑咁簡單。

散席後，老方拉埋左我去一邊同我講：「頭先我見到你同阿嫂眉來眼去咁，你唔係……」

我笑左笑，無答佢。





「你唔好制啊，你玩時玩，呢個女人係阿嫂黎架，唔玩得架。」老方話。

「我邊有……」我都未講完泙兒就行左去我地面前，佢塞左張紙比我，然後好嫵媚咁對我笑左一笑。

我還而一個自信的笑容，而係我旁邊既老方見我笑成咁，就話：「你呢個笑容，咁姐係今次邊個都阻你唔到啦。」

係，我係一個好有自信同好肯去駁既人，但估唔到，今次我既自信，會令到我……