———回憶暫時告一段落———

「我最後一次見阿爸,就係呢次。」我同方叔叔講。

「嗯……佢果陣上到黎神色好凝重,我問極佢點都唔肯講我知係咩事,好彩最好我都查到,佢所一個人去解決買兇殺我既人。」方叔叔講完之後,就望一望阿妹,然後話:「但係佢要確保小可同泙兒既安全先,所以暗中搵左人去睇住佢地,只不過……」

「果D人唔係失蹤,就係死。」阿俊無啦啦插左句入黎。

「無錯,細路,睇黎你都識D野WO。」方叔叔話。





「我都係江湖中人,點都估到既。」阿俊答佢。

方叔叔聽到佢咁講後,望一望我然後問佢:「阿賢係你兄弟?」

「未係住。」阿俊答:「佢係一個普通人,我同佢係因為一次打鬥,然後一齊著草識既,講起上黎呢件事都好搞笑下。」

「世事呢D野就係咁,可能係上天要你地認識,上天要你地今日成班人坐係我前面,講返當日我一直覺得好遺憾既事。」方叔叔講到呢度,又好悔疚咁望坐我同阿妹:「真係好對你地唔住。」

「方叔叔,算啦,件事都過左咁耐。」阿妹佢話:「而且我而家認返阿哥不知幾開心。」





方叔叔終於露出微笑.「都講左咁耐,不如我地食D野先,我叫工人準備開飯,招呼下你地。」

「好啊!」我地聽到不知幾高興,而阿妹仲加多句:「方叔叔,生日快樂。」

方叔叔住既地方咁大,咁有排場,準備既野食點會兒戲,我地幾個望住眼前成枱既野食,計一計,都有成幾十樣。

「咁多我地點食得晒?」我問方叔叔。

「得既,年青人要食多D先生肉嘛。」方叔叔大笑話,而係呢個時候,有個工人走左入黎話:「老爺,少爺他回來了。」





「好,你去叫他進來吧。」方叔叔同個工人講完後就同我地講:「等我介紹我個仔你地識,佢好叻架佢,有份好工做。」

「你咩工啊?」阿欣好奇咁問。

「我個仔做公安架。」方叔叔好驕傲咁講。

下!?做公安!?你係大哥,你個他係公安?
已有 0 人追稿