[惡搞無極限] 就係咁，我同幾個豬朋上左大陸獵金: ２４７　大寶

同老方傾多左陣後就走左，走前同佢講呢兩日都會去搵佢傾下可以點做同了解下泙兒果邊Ｄ野。

一踏出老方既勢力範圍時，本身跟住我既人又再出現，其實比幾多人跟住我都慣左，只係，當中有一個人我比較在意。

「平叔，都跟左咁耐，有咩事未直接同我講囉，無謂跟得咁辛苦。」我講完之後，平叔一邊笑一邊行去我面前話：「你這小子是有點意思。」

「跟在我大半日，點解？」我問佢。

「我只是回點好奇，你是怎樣惹得兩大家族設計你。」平叔問返我轉頭。





而我笑左笑，直接答佢：「我搶了他的女人。」

平叔聽到後大笑起來，「爽快！我最喜歡像你這樣的人，我平叔在這裡說……」佢大喊呢幾句，係講比附跟住我既人知，「這小子我是保定的，只要他一天住在和平飯店，我就不會讓他出事，當然出了飯店後就是你們的事，我就可管了。」

我聽完平叔既說話後笑左笑，然後，跟住我果Ｄ人開始走出黎，手執刀，向住我地衝緊過黎。

「快跑。」平叔推一推我，估唔到佢上左年紀都可以跑得咁快，而我地，就直指目的地和平飯店。

跑到返去，喘晒氣，而果班人唔知點解係和平飯店外五十米既地方企左係度唔敢入黎，我見到咁既情況，就問平叔：「點解佢地企係果度唔過黎？」





「我早年定了規舉，在和平飯店五十米內，只要是為了追殺別人的話，就別怪我不客氣。」」平叔自傲咁話。

「你咁年紀，點唔客氣法。」我笑住問佢。

「我現在叫著草王，但以前，我是叫殺人王，你這小子是想試一下嗎？」平叔露出一絲殺意望住面前企左係度既果班人，直到，佢地慢散去。

「果然厲害啊，不愧是殺人王啊。」唔知幾時，後面多左田男人出現，佢怕住手，好倜儻咁行近我地，「殺人王，這麼晚去跑步嗎？」

呢個男人同平叔講野既態度好囂張，但平叔只係望左佢一眼就行開左。





我同呢個男人對望左一眼，而呢個男人先問：「跑路的？」

我無答佢，但佢自問自答：「是跑路的。」

「要小姐嗎？」他又問我，我仍然無理佢，而仍就拎左張卡片出黎，又講：「有需要的，找我。」

我望一望卡片上面既名，印住既係，大寶。