走出呢個市,行上左一條高速公路上面,阿欣好興奮咁四圍望,而阿妹就坐左係佢隔離,回答佢每一個問題。

而我,都望左出窗外面,睇住窗外既境色,回想返一切既事。

由阿欣打到阿俊爆晒光,到我著草上黎又咁岩見到阿俊,同佢返到上黎去左舅父幫我安排既英紅吧,然後文姐將我地幾個既回鄉謐用順豐寄比阿妹,途中我仲用左條假撚炸左架順風車……

比碇司令放左四本回鄉證入個肚度,誤打誤撞認返阿妹然後入院差D無命,醒返阿妹帶我地返屋企以為搵到金點知得個吉,舅父同阿欣搵我地令到我踏上左知道阿爸死因既路,到而家……

如果,真係冥冥中自有主宰,我諗個天都安排左一個好剌激既旅程比我呢個想平凡過人生既人。





呢一段旅程,可能係過完我一生中所有剌激既事。

到而家,我坐要呢架車,繼續呢個旅程,心境好唔到,因為,知道阿爸既事蹟後,我開始欣賞阿爸既人生,好想,自己都有D不平凡既經歷。

我捉實阿爸留比我既果條鏈,繼續望住車窗外……嘩!大陸D人開電單車真係唔要命,又唔戴頭盔又開得快,如果一陣炒左實死……

嘩!原來唔指一架,係有好多架車都以好驚人既時速係我地架車身邊不停穿插。

阿欣見到咁,就話:「佢地咁樣好似好好玩啊。」





好玩?危險就真,而阿妹呢個時候就望一望高速公路上面既路牌,然後話:「我無睇錯既話,我地應該到左鐵扇公主大叔所講既地方。」

「但……但係而家咁多電單車係旁邊飛車,我都幾難控制得架車好架WO。」阿倫話。

而我望一望阿妹,見到佢一臉難色咁,就問佢:「阿妹,點解妳個樣咁既?」

阿妹答我:「我諗佢地,就係呢度出晒名既飛車黨,但係,好少何見到佢咁多人一齊係公速公路上面開咁快,一定有D野發生左……」

「嘩!」阿欣既大叫,使阿妹停止左講野。





我望住阿欣,佢係一臉興奮既狀態咁望住眼前比已經染滿左紅色油漆既窗,「佢地搵野掟我地啊,我都要搵野掟返佢地回禮先得。」

就當阿欣搵緊野之際,阿妹佢望住呢D紅色既油漆,驚訝起黎,「呢D係佢地既暗號。」

「暗號?」我、阿倫同阿輝問,除左仲搵緊野回禮既阿欣。

「佢地會將一D油彈染上一D車上面作成通知其他地方既人既訊號,因為只要有車開去其他地方,其他地方既幫眾都會收到,而顏色,就分果件事既嚴重性,紅色,就係事態好嚴重。」

聽到阿妹咁講後,我再望一望車外果D飛車黨,見到佢地係唔要命咁開車,可能,就好似阿妹所講,事態嚴重。

而係呢個時候,阿欣唔知點係邊度搵到個玻璃樽,「等我回禮先。」佢搵開左車窗,正對準最接近既果架車,準備掟過去,而我同阿妹,當然想阻止佢啦,不過已經太遲,因為,阿欣己經好準確無誤地掟中左其中一位車手。

氣氛突然間變得沉重,因為係我地既車後面,我聽到有好多既停車聲音,我地幾個探頭一睇,幾十架電單車停左係度,全部既電單車騎士都係無戴頭盔,所以,我地好清楚咁見到佢地既目露兇光。

估唔到,獵金既第一步就搞到咁……
已有 0 人追稿