[惡搞無極限] 就係咁，我同幾個豬朋上左大陸獵金: ２８９　帶走

係公速公路上面逆線行駛，無論面對幾多次，我都只會有一個諗法，點解我會上左呢部車。

雖然係因為要逃走而上黎，但係都好驚。

司機位既阿妹一路開車一路瘋狂咁笑，原全無理佢門外，係旁邊不停用支木棍打佢對門既飛車黨。

「阿妹！我幫妳！」阿欣講左一聲後，拎左頭先佢剛剛係另一個飛車黨手中搶返黎既木棍，一野打落果個飛車上既身上。

唔好問我佢手中既木棍係點搶返黎，因為我都唔知道……





「快點停車！」車外既飛車黨一個又一個咁衝上黎，就好似永遠打唔走一樣，我都唔知我地走唔走得甩。

其他車遠看到我地既情況，慢慢都將車駛開一邊，廢事比我地倦入其中，好快，我地由逆線行駛變成無阻礙。

「你地坐好！我要加速！」阿妹一講，我地幾個拚命咁搵野捉實，而阿欣當然好興奮咁歡呼。

只不過，當我地以為車會慢慢加快果陣……

「轟！」咩事呢？點解頭先架車會震左一下架？





「轟轟！」有一下，我望一望車窗外，見到班飛車黨拎左好幾支鐵棍，不咁插向我地架車既車輪。

佢地，點解咁做呢……呢個問題我好快就有答案。

佢地插左不下數１０次，終於有幾支鐵棍成功將架車卡住，而且，佢地唔單止插一個車輪，而係一連插好幾個。

就因為咁，架車好似開始有Ｄ問題。

「點解架車無行快到架！」阿妹係司機位不停破口大罵，而車速開始慢落黎，一個飛車黨將電單車駛到我地既前方，轉頭睇一睇我地，然後向旁一跳，跳走既時候仲將架電單車橫向衝向我地。





我地架車撞上左電單車，輾左過去後，車速更慢。

然後，又多左三個飛車黨開到我地前面，同頭先一樣，果三個人做左同一樣動作。

今次，我地架車真係停低左。

「把他們帶回去！」佢地都未行到過黎，就已經聽到佢地既叫囂，叫囂聲好大，聽起上黎應該有好多人。

我地幾個慢慢行落車，眼前既境像我不敢相信，因為，面前成氣高速，就好似被飛車黨填滿一樣。

「好多人啊！」阿欣好興奮咁話：「我地係未殺出去啊？」阿欣一講完就有動作，但係比阿妹阻止左，「唔好殺住，佢地好少傾巢而出，睇黎佢地內部發生左一件大事。」

聽到阿妹既說話後，我再回想一下頭先追逐中聽到既果句話，「一定是他們襲擊當家的。」無錯，就係呢句，所有人對住我地，三言兩語，然後，一個戴住黑頭盔既人走到我地面前，果個人著住一身既皮制衫，推高頭盔塊鏡，劍眉星目，厲眼望住我地話：「帶走！」

究竟，佢要帶我地去邊？