聽完小男孩既說話後,我問:「姐係你地有另一封遺書?」

小男孩點一點頭,而頭盔男就補充話;「正確黎講,係得半封。」

「另外果半封……係碇司令到?」阿妹慢慢講左出黎後,手抱頭蹲左係地上面不停大叫。

我地幾個見到佢咁樣,都呆左係度,唔知佢因咩事變成咁,而阿欣見到阿妹咁,就上次想安撫佢,「唔好咁啦,我地一定可以搵返……」估唔到既係,阿欣都未講完,阿妹就一手推開左阿欣,不停話:「你地唔好過黎啊!你地唔好過黎啊!我唔想佢出黎啊!!!」

佢!?邊個佢?





阿妹講完後就衝左房,而阿欣、阿倫同阿輝幾個就衝左出去追,留左我係度。

「點解碇司令會知兗遺書既事?」我問佢地,而佢地搖左搖頭答我:「我們也不知道,不過碇司令想要知道的事,從來瞞不過他的。」

竟然碇司令知道左遺書既事,擔心既感覺不停湧上黎,姐係而家我地幾個係要同佢鬥快搵到剩返低既遺書。

以碇司令咁既勢力,都只係拎到半封……而家所得既資料認為,唔知佢搵左幾多年,亦唔知佢搵阿爸D野係為左D咩?可能,入面有佢最想要既野都唔定。

「可唔可以比果半封既遺書我地?」我又問,而頭盔男就話:「當然可以,不過你們要小心,因為這些年來,碇司令對這本封遺書都一直採取積極的搶奪,所以你們一定要好好保管這本封遺書。」





我認真咁回答佢:「一定,我地一定會好好保管。」

頭盔男聽完後,滿意咁笑一笑後講:「那你們準備好的話就告訴我吧,遺書不在這裡,我放在一個很安全的地方。」

「好。」講完後,我就行出房,搵頭先衝左出去既佢地。

搵左一陣,先搵到佢地,阿妹佢仍然係蹲左係到不停咁喊,而果三個人只係圍住佢地,都唔知點做好。

我行左過去,企左係阿妹既面前話:「佢地話要比果半封遺書我地,妳想唔想去睇?」






呢個問題,阿妹一定點頭答應,但佢點完頭後就同我講:「我唔知點解,每次聽到碇司令親衛兵既事,都會咁樣。」

我摸一摸阿妹既頭話:「妳唔記得阿爸講過D咩?阿爸叫我地要相信身邊既人係可以幫到自己。」

阿妹聽到後,佢就講:「阿哥,我有D野一直瞞住你地……」

「係咩野?」我盡量用最溫柔既語氣講。

「我……有另一個人格。」阿妹既說話,使我腦人面充滿住疑惑。
已有 0 人追稿