[惡搞無極限] 就係咁，我同幾個豬朋上左大陸獵金: ３０１　又爆樽

經過其他人都肯首同意後，我地幾個就跟左個頭盔男去另一個地方。

「唔知一陣果個人會係點架呢？」阿輝不停咁問呢個問題：「果個碇司令好似好鐘意新世紀福音戰士咁，唔知果個男仔會唔會係碇真嗣。」

「可能會架。」阿倫笑住話：「如果係的話，可能係佢個他都唔定架。」

點解佢地兩個可以咁輕鬆都有既，就算知道而家呢班人唔係對付我地，都唔駛咁掛，我地無線索搵下一封遺書啊，我就真係無佢地兩個咁輕鬆。

而阿欣就好似平時咁，姐係一見到Ｄ新既事物就露出興奮既表情。





可能而家最正經既，係我同阿妹……咦，又唔多似ＷＯ，阿妹又頭先到而家，好似好驚慌不停挖緊自己既手，好似有Ｄ唔對路。

「阿妹，妳無野嘛？」我問佢，而佢搖一搖頭同我講：「無……無事。」

妳係無事先後，我地呢班人之中，講戰鬥力勁的話係妳同阿欣，如果妳有咩事既話，我地就唔知可以點算。

跟左頭盔男行多左一陣後，我地黎到一間密室，間密室入面坐住一個人，一個比個黑袋套住個頭既人。

「抓到的就是這個人。」頭盔男講完後，就示意Ｄ人開左密室度門比我地入去。





入到去後，我地望住呢條友，講野先既，係阿倫：「你條仆街咁多野唔做，做二五仔。」

「喂，佢會唔會唔識聽廣東話架？」阿輝問，而阿倫就講返普通話：「黎條卜姐間多野吾助，助二伍仔。」

「你講既普通話咁似廣東話既，我都識聽ＷＯ。」阿輝講完後我就捉實左阿欣，點解，我唔知佢邊到搵到個空樽，睇佢個勢係想行到條友身後面爆佢樽。

「妳個樽邊度黎架？」我問佢。

「頭先行過封架。」佢好天真咁望住我，咁多野執妳唔執，執玻璃樽，唔見妳執下錢，我環顧一下四周，係無錢執，但唔知點解多左好多個樽。





「呢Ｄ唔係都係妳執架嘛……」我問。

「順手姐。」佢又笑得好天真。

天啊，可唔可以教下我點解佢可以執咁多野但我又唔發覺，而且佢又可以戴到入黎架。

「比我爆一下啦。」阿欣不停咁央求，而我望一望個頭盔男，佢竟然示意話無所講，阿欣即刻衝左過去手起樽落，一聲清脆既玻璃碎聲後，果條友痛苦地呻吟。

「佢叫拿佢叫拿！我叫返醒佢拿阿賢！」阿欣雀躍地跳左過黎同我講，而我就好無奈咁笑，心諗，如果真係咁比妳叫醒，換轉係我的話，我情願唔醒好過。

但係……點解條友Ｄ聲有Ｄ熟既……我行左過去揭開左個頭套……

「係未碇真嗣黎架？」阿輝係我身後不停問，但當我見到果條友既樣之後，驚訝到叫左出黎：「阿俊！！！！！！」

係……呢條友係阿俊，成頭紅毛既阿俊，比阿欣爆完樽流緊血既阿俊，而且係「又」比阿欣爆樽。