[惡搞無極限] 就係咁，我同幾個豬朋上左大陸獵金: ３０４　一條心

阿俊佢望住跪左係度既我同阿妹，呆左一呆。

「我知道係睇住成個社團Ｄ人既命，但我保證，如果我地拎到阿爸Ｄ野係碇司令想要既話，我地可以比佢，黎換你地成個社團既命。」我再一次強調呢一點，而阿妹都點頭話：「無錯，我都可以。」

而係旁邊既阿倫同阿輝，聽到我咁話後，就吱吾住講：「你……諗清楚好唔好？」

「我諗得好清楚。」我仍然好堅定話。

阿俊露出左一個猶豫既樣，「你地比我諗下先。」





聽到阿俊咁講後，我覺得，佢答應我既機會好大，所以企左起身，行到佢面前話：「我相信你。」然後就走左出房。

其他人見到我出左去後，都先後跟我出黎，「阿賢，你唔係真係會比晒Ｄ金佢掛？」阿倫同阿輝一出黎就不停問我。

「如果佢真係要果Ｄ野救全個社團既話，我無所謂。」我答佢地。

阿倫聽到我咁講後，行到我面前話：「阿賢，坦白講，我一直以來，陪你搵金真心係想拎批金，但係見到你頭先為左世伯既事而跪果條仆街，我而家同你講一句，對唔住，我以前唔夠兄弟，係仆街，不過我而家可以同你講，我真心會幫你搵世伯留比你既野，你想點做我都會撐你。」

聽到阿倫咁話，突然有一刻既感動。





「我……我都係。」阿輝行左過黎話：「如果你真係想比批金阿俊既話，我可以放棄唔去韓國整容既計劃。」

「下！？你想去整容？」我同阿倫聽到問。

「有諗過架，雖然我知道我而家都好靚仔，但我想再整靚Ｄ。」阿輝，你要知道，你本身唔係靚仔。