[惡搞無極限] 就係咁，我同幾個豬朋上左大陸獵金: ３１２　回到英紅吧

係車上面，有我、有阿欣、有阿妹同名俊。

因為阿妹先岩岩醒返，所以叫左阿俊揸車，佢不知幾樂意咁做，因為佢唔想再坐過山車。

係車上面，我地四個都無講過野，我明白，其實阿欣同阿妹無講唔信阿俊，但佢地心入面始終都會有條剌。

而阿俊亦都知道，佢已經得唔到其他人既信任，不過佢都選擇幫我，都已經好感激。

車程加起黎都有成日，就係沉靜之中我地到左英紅吧。





一落到車，我見到英紅吧既牌，記得岩岩著草上黎就係黎到呢度，係度所發生既事，比ＭＡＮ姐要脅送野比時興隆，點知原來時興隆係我阿妹，

呢度可以算係所有時情既起點。

推門入去，見到既野就似第一次黎既果一日，好暗。

「勞斯萊斯。」我叫左幾聲，都唔見有人出黎，但係呢度好似有Ｄ唔妥，點解Ｄ野咁亂既，好似有打鬥過咁。

就同上次一樣，阿俊搵到個燈制後開左燈，而我終於見到現場既所有野，「點解呢度咁亂既。」阿欣講得無錯，而現場真係好似我先前咁諗，好似有打鬥過黎。





而阿妹見到咁，已經話：「可能我地已經黎遲左一步。」

就係呢個時候，英紅吧外面傳出左一陣又一陣既電單車聲，好記得呢種電單車聲，係ＭＡＮ姐既車隊。

我地幾個人走左出去，見到既係ＭＡＮ姐帶領住一大班人黎到，佢見到我地就話：「你地快Ｄ跟我黎。」

究竟，發生左Ｄ咩野事。