[惡搞無極限] 就係咁，我同幾個豬朋上左大陸獵金: ３１６　前老闆係邊個

勞斯萊斯終於以一個不捨既表情離開個臺，佢一離開個臺就行左過黎，「好耐無見拿。」

「係啊……」我望一望佢，再望一望ＭＡＮ姐，然後問：「你地兩個……」如果大家仲記得，我地離開英紅吧果日，ＭＡＮ姐係用勞斯萊斯同四本回鄉證要脅我地，但而家睇佢地兩個又好似無咩野，唔知當中發生左Ｄ咩野事。

勞斯萊斯聽到我咁問後，就答：「呢Ｄ野唔好講住，講左重要既野先，點解你地會返黎既，係未掛住我呢？」

有時見到佢咁妖艷，真係想一拳車過去，「無，其實我地而家搵緊五封信，而當中一封既線索，應該同英紅吧有關。」

「真係架？」勞斯萊斯，你再咁講野我真係會打撚死你架。





「所以我地返黎呢度睇下係未真係可以搵到果封信，但係估唔到一到步，就發生呢Ｄ事。」我話。

而ＭＡＮ姐聽到我提搵信既時候，就問我地：「你地想搵既野，唔會都係碇司令想搵既野掛？」

我地聽到ＭＡＮ既問題後，一致地點一點頭，而ＭＡＮ姐又問：「你地想搵緊，應該係封遺書？」

聽到佢咁講後，我地更加一致地好大力咁點頭。

「估唔到你地會搵果封遺書ＷＯ。」勞斯萊斯接住講，但係唔知點解我手握成拳既手，好想一野車過去，如果唔係阿欣行過黎捉住我，我諗我真係打撚左佢。





「封遺書，對你地有咩野咁重要？」ＭＡＮ姐問，而我同阿妹就答：「佢係我地爸爸留低竹我地既野。」

ＭＡＮ姐聽到後，打量左阿妹一下，然後話：「其實當我第一次見到妳果一刻，我就諗緊當年老闆同我地講，話要交封遺書比一個好似相片既女人，而果張相入面既女人，同妳好似，果陣，我就覺我老闆要搵既人係妳，只不過，果陣發生左Ｄ事身所以無再追查落去。」

阿妹聽到ＭＡＮ姐咁講後，就話：「我地第一次見面，妳應該仲係好女仔既打扮，第二次見果陣妳而家變左做過男人。」

估唔到ＭＡＮ姐都會尷尬，佢聽到阿妹咁講後好尷尬咁笑一笑，如果我無估錯，阿妹講既佢地第一次見面既時候，應該係阿文變也ＭＡＮ姐之前。

「咁我想知道，而家封遺書係邊度？」我問，但係問完好似發覺問左個白痴既問題，「未講左封遺書係前老闆度囉，而家我地就係要搵前老闆拎返封遺書啊。」





「咁你地有無前老闊既消息？」阿妹問。

「無，你知我地前老闆係Ｄ咩野人架啦，佢神龍見首不見尾，要搵佢要花好多人力物力先搵到架，不過……」ＭＡＮ姐講到呢到，諗左諗再講：「如果英紅吧被炸，我諗我地前老闆應該會出現。」

而阿妹呢一刻就好認真咁講：「所以，碇司令先會炸左英紅吧，因為佢要引你地前老闆出黎。」