我望住飛伯伯將還珠格格送落地面後,就飛返過黎,而阿欣已經好興奮咁話:「係未到我拿?係未到我拿?」

佢望住阿欣點一點頭後,阿欣竟然一下就放手,向外一跳,就咁墜下,我見到佢咁做真係O晒咀。

飛伯伯當然接到阿欣然後送佢落地啦,跟住,就到我,我真係好期待,不過,我係未要好似阿欣咁跳落去呢?

當飛伯伯飛返黎果陣,佢望住我,問左我一個問題,佢唔係問我準備好未,亦都唔係問我要唔要跳落去,而係……

「小子,你的鏈子,是從哪兒得來的?」佢真係好認真。





而我望一望自己條鏈,就答佢:「係我阿爸留比我。」

佢飛近左我,用手好細心咁拎住條鏈,好好咁睇左一輪後又問:「以我所知道的,這鏈子應該是一對,另外一條呢?」

「……係我阿妹度。」我答佢,而我心中就有一個疑問,點解飛伯伯知道呢條鏈既事。

「過了這麼多年,保存的不錯,小子,好好的守著這一對鏈子,這會是拿到你爸的東西最重要的物件。」老伯同我講。

「老伯,你知道我阿爸留低比我D野係咩?」我問,但佢無答我,然後,佢就捉住我話:「小子,起飛了。」





係空中既感覺,不斷落下既感覺,風係我既臉上刷過,我展開雙手,第一次係天空上面飛,估唔到唔至帶住自由既感覺,而且仲帶住滿腦子既疑問。
已有 0 人追稿