唔知點解,當我轉個身望住呢個男人果陣時,就覺得好暈,而佢就行前,頭我距離好近,甚至,佢已經係去到可以抱住我咁。

佢係我耳邊不停咁話:「你而家成個人好累,好眼訓,好累,好眼訓,好累,好眼訓……」佢一路講,我就仲暈,一直講,直到我眼前一黑……「你會見到一個好長既樓梯,向下行後見到一道門,去到門前面,就打開佢。」

我聽從佢既指示,去到果度門前面,打開後……「歡迎黎到你最深刻既陰影……」

突然有一種失重既動力,我個人好似跌一跌,然後,我就唔知發生左咩事,只知道,醒返果一刻,我見到自己屋企果個天花,我訓左係自己屋企個地板上面。

點解……點解我個咁痛既……





「快D捉佢返去,睇下果個仆街會唔會連個仔都唔要,同我地爭。」聽到呢一句後,我就比一道力拎起左。

而我被拎起期間,見到阿媽比人打暈左訓係地下到,「呢個女人呢?」「捉埋啦。」就係咁,阿媽都比人捉起左,然後,我比一個黑色套套住左個頭,跟住就暈左。

到我醒返,已經係見到阿媽係度喊,「賢仔你無事嘛?」我望一望四周,係一間唔識既木屋入面,腳步聲傳出,仲愈黎愈近,好快就有一個人開左道門。

「個細都醒左拿?」個男人行到我同我阿媽面前,「你唔好傷害我個仔……」阿媽一講完,就比個男人好大力打左一拳,然後走望住我,「拎D咩野嚇佢好呢。」佢上下打量左我一下,然後好大力打左我一巴。

果一巴好大力,打到我耳鳴,對眼見到D野好似閃下閃下咁,原來比人好大力打個頭,真係會滿天星架。





然後,我感覺到我口入面有粒野移動,我吐左出黎,係我隻牙。

「我就拎呢樣野比佢。」個男人拎起我隻牙後,就慢慢行到門前,出去前,佢仲特意轉個身,亮出一把小刀同我地講:「下次,我唔會拎牙咁簡單。」
已有 0 人追稿