「咁你知唔知阿爸留低左D咩野比我地?」我向飛伯問左呢個問題,但係飛伯就話:「你真係咁想從我既口中得知你阿爸留左D咩野比你,而唔係你同阿妹去搵出黎?」

無錯,如果係我同阿妹一齊搵出黎,意義一定仲大,竟然飛伯咁講,「飛伯,你講得岩。」

飛伯好欣慰咁笑左出黎,然後話:「地址已經比左你地,你地可以去搵時興隆,我等你地既好消息。」佢講左呢句後,就唔知飛左去邊。

而剩低我地幾個後,我第一時間問花木蘭,「點解妳會知道黎呢度可以搵到阿妹既消息?」

花木蘭就話:「就好似之前所講,我地『正正』都係情報收集,點都會知道好多野,而最重要既係我想搵一個人,而果個人同你地,以及同飛伯有關。」





「搵邊個?」我問,而花木蘭就答我:「白雪公主。」

聽到呢四個字後,我心突然一陣悸動,需然未見其,但係大寶要我地搵既果五個女人,都可以話貯齊晒。

「咁妳知佢係邊?」我問花木蘭,但係佢搖一搖頭,「白雪公主同還珠格格一樣都係神龍見首不見尾,佢地自己出現,比起搵佢地更加容易。」

「咁姐係點?」我聽得一頭霧水。

「姐係我地而家就未有白雪公主既情報,不如去左搵你阿妹先,到時我見到你阿妹,就可以比返封遺書你。」花木蘭話:「咁當然你可以搵我叫你幫我搵果三樣野啦,可能會快過你搵阿妹架。」





我聽到佢咁講只係乾笑左幾下,因為我真心覺得搵阿妹一定易過搵佢果三樣野囉。
已有 0 人追稿