[惡搞無極限] 就係咁，我同幾個豬朋上左大陸獵金: ３７７　迷官

其實只係幾秒都唔夠我就跌到落地，好彩個地下有野墊住，唔係跌落黎可能會跌斷腳，不過……

「阿賢！！！」阿欣把聲又我正上方傳黎，當我舉頭一望，只見眼前一黑，然後一個好龐大既力已經壓住係我身上，「阿賢你好勁啊，咁都接得住我。」

其實我唔係幾想接住妳囉。

佢起返身後，就扶左我起身，然後又係另一下龐大既力壓左係我身上……今次係花木蘭……

我諗應該唔會再有人係上面跳落黎拿掛！！！





企左係身後既我，望一望四圍既環境，睇黎係一個密室既交匯處，點解我咁講？因為我見到眼前有好多個通道。

「呢度咁多條路，唔通係條迷官黎既？」阿欣好興奮咁話：「我好耐無玩過迷官拿。」

而花木蘭同勞斯萊斯就一臉認真咁望住咁多條通道話：「如果呢度真係碇司令既地方，可能會有好多危險係前面。」

聽到佢地咁講後，我心涼左一涼，「危險？」我問。

花木蘭點一點頭，然後又話：「但係如果危險既話，就證明呢度有好重要既野收埋左，可能你阿妹真係係度。」





佢講完後，就行向其中一個通道前面，風突然從呢個通道湧出，就好似叫我地快ｄ入去咁，而佢就同我地講：「你地想分頭行事，定係一齊慢慢逐條行。」

我諗左一諗後，再望一望阿欣，見佢捉我隻手捉到好緊，然後又望一望勞斯萊斯，見佢正想捉住我隻手捉到好緊既時候，我避開左佢隻手然後同花木蘭講，「一齊行。」