[惡搞無極限] 就係咁，我同幾個豬朋上左大陸獵金: ３８９　阿妹既陰影

「有我係度係唔會比你催眠到佢地。」花木蘭拉開左阿欣，然後同我地講，「你地唔好望佢既雙眼。」

我地都好聽佢話無望夢魔對眼，但係，就算我地唔望夢魔，仲有令一個人我地要應付。

阿妹佢不停既攻擊，眾人都閃避不及，人人身上面都有阿妹為佢地留低既傷痕。

而接落黎我眼前既，係一個好空洞既阿妹，佢望住我，但係好似睇穿左我咁望住我。

「阿妹，係我……」我都未講完，阿妹已經一手掐住左我條頸，「阿賢！」阿欣跑過黎係阿妹既身後不停打佢，但阿妹好似無感覺咁，只係望住我郁都唔郁。





而我，只可以用餘下既力反抗，用手嘗試甩開阿妹既手，但係無成功，又用腳踼佢，佢都無反應。

直到，當我放棄既時做，我戴住既鏈跌落阿妹既手中，阿妹比鏈吸引，望到條鏈實一實，然後，大叫左一聲：「唔好啊！！！！！！！」

佢抱頭係地上面打滾大叫，而夢魔都比阿妹呢一個突如其來既情況嚇左一跳。

「唔好啊！！！！！媽媽妳唔好衝出去啊！！！！！佢地會殺左妳架！！！！！」阿妹不停咁大叫，而我，就係阿妹放左手後喘住氣望住阿妹。