[惡搞無極限] 就係咁，我同幾個豬朋上左大陸獵金: ４０５　白雪……王子……

白雪公主望住我話：「你問咁多做咩？」

面對住佢呢個問題，我唔識答，而佢都推開左我話：「你地而家拎左幾多封遺書？」

「我……我點會答妳。」「兩封半。」佢一矢中的咁講中左，「妳點解知道架！？」

佢只係笑左一笑後話：「咩你以為田野可以瞞到我地既碇司令咩？」佢慢慢咁行過黎，「不過可惜Ｄ遺書唔係你既身上面，但係我地係庴興隆身上面又搵唔到，究竟你將Ｄ遺書放左係邊度？」

好彩果陣我同阿妹傾過後將Ｄ遺書放係阿欣度，因為我地一早知道碇司令會打我地兩兄妹望意。





「你以為你唔講，我就無方法知道咩。」白雪公主話。

「估唔到當年大寶叫妳好好保管住選書，而妳……」「你知唔知我當年只係得幾歲咋，我係比我阿媽迫我咁做架。」白雪公主好激動咁話。

「妳阿媽？」我問。

「唔好講佢，唔好講佢，唔好講佢啊呀！！！」白雪公主突然間癲左咁：「唔好講果個花木蘭啊！我無Ｄ咁既阿媽！佢鐘意女扮男姐！唔好整到我都變成咁啊！！！」

「下？花木蘭係妳阿媽？佢要妳女扮男啊？」「唔係啊！！！」白雪公主突然好惡咁話：「佢要我男扮女，搞到我而家上左癮啊！」





我突然成個呆晒！咩話！？係我面前既白雪公主原來係個男人黎架！？