喊緊既白雪公主突然好兇狠咁望住我以後話:「係你,你都係其中一個令我變成咁既人。」

「下!?」佢突然咁話我,我真係唔知咩反應好,「小姐……先生……我唔知應該係小姐定先生啦,我以前好似唔識你架WO,我點會係令你變成咁既人啊。」

「遺書!」佢用一個好憎狠既目光望住我:「如果唔係呢封遺書,我就唔駛變成咁。」

又會關封遺書事既!?

「我阿媽話怕我養唔大,要當女咁養,又因為答應左大寶叔佢保管遺書,所以一定要等拎信既人黎到,我先死得,你話咁樣關唔關你事,你早D黎我就可以早D變返男人。」其實聽完佢所講既野,我只覺得佢夾硬黎,不過見佢發嬲發成咁,我就唔同佢講咁多。





「咁我而家黎左,你比返封遺書我,咁你未可以變返做男人囉……」「唔得!」又點解唔得啊……

「我做左女人咁落,已經習慣左做女人,我唔識做男人啊……」佢又喊得好勁,而我就無奈咁望住佢,直到佢喊完,然後向市講:「除非,你教我做男人,我就比返封遺書你。」

下!?教你做男人?
已有 0 人追稿