[惡搞無極限] 就係咁，我同幾個豬朋上左大陸獵金: ４０９　仲以為……

「多謝師父！」其實真係好唔慣一個咁女人既男人跪係我面前，佢連把聲都好似女人咁，望真Ｄ，佢好似連喉核都無。

「師父，咁你第一件事想教我既係咩啊？」白雪公主好與奮咁問。

見佢咁問，我就諗左陣，因為想諗一個可以又拎到封遺書，又可以教到佢做男人既方法，苦思左陣我終於諗到。

「你知唔知男人最重要既係咩野？」我問。

白雪公主諗左一陣，「……我以前聽過Ｄ男人話，男人最緊要係好腰好腎就好男人，咁係未呢樣啊？」





我聽完後，扮晒野咁笑一笑後搖一搖頭，而白雪公主就露出一個好想聽我講既表情，期待我既說話。

「你錯唔晒，只不過，男人最重要既，就係講！義！氣！」我特登係最尾三個字講我大聲Ｄ。

「講義氣！？」白雪公主好似一副恍然大悟咁，又問：「咁要點講啊？」

「你知唔知我點解要仆心仆命都要搵返阿爸既遺書？」我問白雪公主，而佢搖一搖頭，我又好扮晒野咁企左起身，行埋一邊話：「就係因為我阿爸叫我搵，呢個係佢交比我最後既事，所以我一定要完成佢，呢Ｄ就係講義氣。」

其實我自己講完都唔知自己講緊咩野，諗深一層兩樣野仲好似無咩關係添，但係白雪公主聽到後就用一個好仰慕既表情望住我，「原來師父係咁男人架，我真係無選錯師父啊。」





聽到白雪公主咁講，我不知忍笑忍得幾辛苦，「無錯，所以師父要你幫我做既第一件事，就係將我阿爸既遺書拎比我。」

「遵命師父！」白雪公主聽到後，企左係身比左個禮，我心諗今次仲唔得米，但係我無諗過佢以下呢句，完全打破我呢個諗法，「咁我地一齊衝去碇司令到搶返封遺書返黎。」

「下！？」我聽到問：「你講多次？」

「我話，我地一齊衝去碇司令到搶返封遺書返黎。」白雪公主又重覆講多左次。

「點解要衝去碇司令到呢？」我問，但我心入面其實已經有答案。





「因為封遺書我一早就比左碇司令囉。」果然……仲諗住就拎到既野，突然又變成一個難題添……