〈是咁的，我是一個童貞魔法師〉: <再戰比比鳥>

於是第二日毒氣雙子就一直送到我返學校，而我就決定無論中午定夜晚果餐都係學校入面解決。

但係收到尋晚戰敗既影響，我不單止難以集中精神，更加覺得渾身泛力。就連見到穿著如常性感既艾薇一眾都依然提唔起勁。

經過大半日苦悶既複習，眾女決定夜晚食返餐好既輕鬆下，但係我極力反對下，佢地最後決定…

掉底我一個係學校，佢地四個出去食。

趁佢地出晒去，我終於頂唔順趴咗係檯面瞓陣覺回下魂，如果唔係，我怕過唔到今晚。





過咗唔知幾耐，有人不斷搖我手臂直到搖醒我。我眯眼一望，原來係艾薇。

佢上身著住件低胸背心，雙手捉住我上臂黎搖既同時，心口兩團肉都一齊晃動，睇到我血氣上湧。

「你地返黎喇？」我一邊起身一邊快速咁抹去咀角既口水。

「你只會問艾薇，都不留意人家。」艾琳在另一旁嬌嗔地說。

「好了好了，你們爭風吃醋夠了沒？來看看剛才拍的照片！」米蘭達拿出她的電話，遞到我的面前。





眾女馬上以我為中心圍成一圈，一起看著電話屏幕：原來係佢地趁我岩岩仲瞓緊覺時，一個二個輪流係我旁邊整古作怪咁合照。之後佢地仲分別係微信個朋友圈度貼出黎，話有個勤力既好同學一齊同佢地奮鬥。

望住眼前四個烏低身向前傾既美女，心口既肉圍成一圈，隨著笑聲而起伏不定，我馬上精神大振。

我都話我呢排行桃花，兩個字：姼。

當晚最後複習完之後就依依不捨咁目送佢地四位嘻嘻哈哈咁離開，如果佢地各人分別給我臉上一個吻，就更完美喇。

可惜現實係要毒氣雙子呢兩條無女既毒撚陪我返屋企黎作為今日既結束。





三日後就係毒氣雙子既保護之下，終於比我無驚無險咁考完個試，而我由於係考試前果幾日無好好休息，甚至透支體力去同艾薇佢地溫書搞到狀態欠佳，所以發揮得唔好。

不過一切已成定局，之後就係等出成績既日子。

唔知係咪物極必反，考完試之後我既桃花好似用晒咁。之前同艾薇佢地係微信開既群組靜晒，得我一個人出聲。但係見到佢地係朋友圈不斷貼旅行既相，就知道佢地輕鬆緊，唔搵埋要返工做港奴既我係可以理解。

而Sally亦只係係我考試當日whatsapp回咗我一句加油，之後就無再應我。唉，都係自己衰，今次分分鐘考得唔好令人失望。

之後我又回復到返工放工同打機上網等既刻板生活，而且好順利咁成日避開同黑魔法師發生戰鬥，直到兩個星期後既一個星期六，我再遇到比比鳥頭為止。

果日我約咗阿賤一齊去深水埗黃金，兩點零果時我一出地鐵站口，離遠隔住條馬路就見到有一股黑氣。當我岩岩想轉身走時，我先發現果股黑色既主人就係上次突擊我既比比鳥頭。

我當下無明火起，唔係因為我輸過畀佢，而係因為佢當時同我講過既說話。毒乜野撚？我先唔係毒撚！妒忌我桃花旺之餘仲要趁我病病地先黎伏擊，哼！

經過兩個星期既正常生活，我感覺到今日神精氣足。再睇睇佢黑色既規模，呃…





可以一戰！

於是我步出地鐵站口，就係燈位轉做綠燈時走出馬路，向住分心篤緊電話既比比鳥頭迎面而去，跟住就係馬路中心成功向佢發起挑戰，拉咗佢一齊入結界。

「啊？係你呢個手下敗將？主動上門送魔力畀我啊？」比比鳥頭佢袋好電話之後擺出一副戰鬥姿態。

「哼！上次你乘人之危，今次你無咁好彩架喇！」

先下手為強，我一講完就馬上向對方發出攻擊！

念到魔力到，眼前開始出現許多冰錐，浮在空中蓄勢待發，我要以其人之道還治人之身，攻擊！

比比鳥頭一見冰錐的出現，就馬上作出反應，只見佢喝道：





「黑鎧巨人！」

之後黑氣從他背後噴湧而出，再分別形成如繃帶的形狀，繼而飛快地纏繞著他全身，使他身形越來越高大，到最後目測估計有三米多高，而且表面逐漸成形硬化，變成一個穿著黑色鋼鐵鎧甲的巨人。



怪不得他自信滿滿。

不管如何，無數冰錐已經飛射向他身上，發出清脆的碰撞聲響，不過攻擊好像一點也不見效，冰錐既攻擊連微細既傷痕都打唔出。

係呢個時候，比比鳥頭仲要講句：

「唔痛唔盛，抵你咁虧！唔似得我黑巨硬，哈哈哈！」

可惡！話我虧？我今次就要打到你腎虧！





我停止了冰錐的攻勢，集中精神催谷更多魔力，之後大量冰晶再次浮現於大氣之中，慢慢結集成一條巨大的冰●攻●城●柱！

「去死啦！睇下邊個硬！」

對方眼見形勢有變，馬上舉起雙手護於頭及胸前，準備接下凌厲既一擊。

「粉碎啦！」

隨著我一叫，巨大冰柱開始加速飛撞向巨人，碰撞之際發出駭人既轟然巨響，以及卷起漫更天雪花，遮蔽了我的視線。

誰料雪花未散，我已經聽到對方討厭既聲音：

「哼！你打唔爆我呢副巨人鎧甲既」