這天,我懷著沉重的心情,必死的決心,來到深水埗一個古舊的單位!
別誤會,我不是去甚麼色情場所!
我是來到一個,和我命運交纏的地方!
 
我推開木門,勇敢的踏進這個詭異的房間!
「小詠呢?」我大喊!
 
「妖,扮咩講數者,入黎啦!」天命叔對我說,自己則施施然的坐在道壇前。
 
「超,一D都唔配合!」我感到非常沒趣,隨便找了個位置坐下。




 
「好啦細路!今日黎搵我做咩呀?」天命叔對著我淫笑,讓我不期然的打了個冷顫。
 
「哼!你知咩事架!果日你講到明,叫其他人唔準講小詠D野俾我知!咁無人問,咪上黎搵你囉!」我不滿的說。
 
「黎,唔駛咁唔開心喎!兩師徒有咩唔岩咪傾到岩囉!」他若無其事的喝著茶,看著我,一副胸有成竹的樣子,我不會就範的!
 
「唔好扮晒野啦!點先肯講俾我知小詠依家嘅情況?」我也不跟他糾纏,開門見山的跟他說。
 
「好,我就係欣賞你夠直接!即刻拜師,拜完師你想知咩我都話你聽!兩師徒無咩好隱暪!」天命叔高興的說。




 
當然,我早已料到他會來這一套,雖然我也希望繼續學道!
再加上Irene那邊也跟我說,我是幫助她父母的其中一個關鍵,道術的增長對我絕對有幫助!
 
但……我真的不想守那些甚麼師徒的規矩!
要是能自由地跟天命叔學習,那是最好不過!
 
「可以是可以!但係,我有D條件!」我一定要把形勢扭轉!
 
「從來只有師傅對徒弟講條件,無徒弟同師傅討價還價!好,就聽下你個細路想講咩!」他仍是胸有成竹的樣子,真想就這樣轉身離開!




 
「好!第一,做你徒弟無問題,但我唔會好似其他道家弟子咁,一定聽晒你講!第二,唔可以逼我去埋D奇怪地方修練!第三,我只會叫返你做天命叔或者維園阿叔,唔好逼我叫你做師傅!第四,唔可以逼我日日都黎修練!第五,要講返小詠究竟發生咩事俾我知!仲有無呢……」我努力沉思著,說到底,我也不想拜師後,對我的生活有太大的影響!
 
「等等先,細路,你呢D唔係叫做『有D條件』!你呢D係好鬼死多條件!」天命叔制止我說下去。
 
「咩……咩者!如果唔係你地道家咁鬼多規矩,我駛鬼搞咁多野咩!唉,好啦,係得頭先果D條件,得唔得先!」我說。
 
「者係咁,你又想學野,又唔想守規矩,呢樣野真係無乜可能!修練地方奇唔奇怪,呢D野好主觀者,去深山去墳場對我地黎講都係好平常!叫唔叫我師傅反而無乜所謂,反正我自己都唔係咁樣叫我師傅!修練嘅野,你唔日日做,好難有成效!所以講下講下,其實頭先D條件,除左第三同第五條可以應承你,其他都唔得!」天命叔解釋著。
 
「搞錯呀,最重要果D唔得!」我不滿的說。
 
「細路,我算開通架啦!比著其他人,真係理得你死!如果唔係同你有緣,我都唔會好聲好氣同你講啦,係咪?咁啦,簡單D,我可以俾你唔日日修練,同埋唔去D奇怪地方啦!不過,師傅我講嘅野就一定要聽!你肯應承嘅話,我即刻將你想知嘅野話你知!」天命叔這樣說,看似非常開通。
 
「呢個維園阿伯會咁好死?不過如果真係咁,其實都諗得過喎!但硬係覺得有D奇怪!」
 




我看了看天命叔,看他嘴角微微向上,眼角微微跳動,感覺像等待我上釣似的......呀!我知道了!
 
「你個維園阿叔又想坤我!一定要聽晒你講,咪者係你話要點就點!陣間你唔係叫我日日修練,而係要我秒秒修練我咪瀨野!好在無俾你陰到!」我高聲對他說。
 
「超,爭少少就引到你落搭!係呀,我係咁諗呀!我都係為你好者,我可以好肯定答你!你出年一定又會瀨野!同埋你都想知小詠嘅事架?乖乖地拜師啦!」天命叔說。
 
「唔得!我無可能會聽晒你講!你唔駛旨意,小詠嘅野就算你唔講,佢出返黎我一樣可以問佢!」我絲毫不退讓!
 
我們互相對望,大家也毫不退讓。
 
「十年!小詠出返黎要十年!你一係就等十年!」天命叔慢慢說出這句說話。
 
「無可能!無可能!」我為這個年期感到驚訝!
 
「你無聽錯,係十年!你想知嘅話,就拜師啦!」天命叔說。




 
我是想拜師,但我不想要聽這聽那的;我是想知道小詠的事,但我不想失去自由!
怎麼辨?怎麼辨?上次是小詠替我用計,才能避開,這次應該怎做才好?
 
我不斷思考著,忽然靈光一閃!
 
「一係咁,我地賭一鋪!」我說。
 
「賭一鋪?」天命叔眉頭稍動,疑惑的看著我!
 
「係,賭一鋪!我贏嘅,我唔駛拜你為師,你都講返小詠件事俾我知!你贏嘅話,我拜你為師,你講咩我就聽咩!」我豁出去的說。
 
「呢個死仔包,咁夠膽同我賭,肯定有古怪!我身為師傅,唔同佢賭,第時就算收左佢做徒弟,都會無面!但萬一我輸左,咁點算呢?」天命叔心想。
 
「咪住先細路,你知唔知,係道家入面,賭,同決鬥係無乜分別架!你真係要玩到咁大!」天命叔先試試能不能嚇跑我。




 
「唔好扮野啦你,想嚇我Ja嘛!理得你決鬥唔決鬥,總之你依家賭唔賭先?」好,主動權重回我手了!
 
「呢個細路!真係以為我怕左佢?但如果我應承左,又輸嘅,真係好無面架喎!」天命叔陷入沉思中,這正是我想做到的效果,來吧,盡量煩惱吧!
 
「咪住先,賭還賭!究竟賭咩先?包剪揼?定估你有幾多粒痣?你唔講明好難應承你喎!」天命叔說。
 
「嗱,者係咁,你話晒都係師傅級人馬!賭咩緊係唔講得啦,少少優勢我點都要有卦?總之,我保證呢樣野係公平嘅,對你對我,都有同樣勝出嘅機會!」猜到他會有此一問,我輕鬆回應了他!
 
「咁樣嘅話……」天命叔看來有些猶疑,看來是時候給他最後一擊了!
 
「唉,好啦好啦,你唔敢就算啦!我地諗過第二樣啦!」我裝作失望的說,眼神帶點不屑的看著他。
 
「咩呀!咩唔敢呀!好好好好!賭就賭!賭咩呀?」天命叔怒道。
 




「好,我賭嘅野好簡單,為左唔會俾機會大家出術,我地講完就即刻落去進行,一鋪定輸贏!陣間落到去,時間由三點正開始,我地就估係樓下轉角位置,行出黎嘅第一個人係男係女!每人都有50%機會贏,係咪好公平先?」我說。
 
「嗯……好!就賭呢樣,我揀男人!」天命叔率先說出他的答案,好,他上當了!
 
「吓?點解係你揀先呀?我咪好蝕?」我裝作不滿的道。
 
「咩呀?又係你話呢個遊戲大家都係50%機會贏,咁邊個揀先有咩問題!同埋我都俾晒你決定賭D咩,咁梗係我揀先啦!」天命叔說。
 
「吓……唉,是旦啦!咁我就賭,三點正係街角轉出黎嘅第一個人,係女人啦!」我說。
 
「好!咁你記住,輸左就……」天命叔還沒有說完,我便打斷了他,我要再在這裏下一個保險。
 
「得啦!總之,我贏嘅話,你就講返晒小詠D野我知,我唔駛做你徒弟!而你贏嘅話,你都要講返晒小詠D野我知,我肯定小詠安全!之後,就會拜你為師!」我說,我在這裏玩了一些文字停頓的遊戲,希望他留意不到吧。
 
「得得得得!我就同你賭呢一鋪,你唔好反口呀!你知反口會有咩後果架!」天命叔胸有成竹的說。
 
「我梗係唔會反口啦!我知道每個承諾都有約束性!我一定會遵守規矩,你都要記住你講嘅野!」我說。
 
「得啦,反正你輸梗!」天命叔笑說。
 
「睇下點!」我說。
 
天命叔這樣有把握,也不是沒有理由!因為,天命道壇位處的地方,街坊街里有接近八成也是男人!而且,由於樓下街角位置,是一些陰暗處,所以一般不會有女性經過才對!
 
那麼,我為甚麼還要選擇女人呢?
因為,經過我多個月的觀察,每逢星期六,下午三點,必然會有一位女性經過!
雖然不清楚她的身分,亦不知道她目的何在,但我肯定她會分秒不差的經過那個街角,所以我肯定自己能贏定了!
 
更何況,我還在賭注上,下了一個小小的保險!
我不會就這樣屈服的!
 
我們兩人就這樣來到樓下的轉角處,等待著三點正出現的第一個人!
 
「細路!仲有十秒!你拜硬師啦!」天命叔說。
 
「哼,睇野啦!我贏硬呀!」我說。
 
終於,三點鐘來到了!
我們都屏息靜氣的等待第一人的來臨!
 
我感覺到了,她來了!
果不期然,從轉角處,我看到一隻鮮紅色的高踭鞋,從轉角處首先踏了出來!
緊接著,我們總算見到那個女士的身影,高挑的身形,再加上玲瓏浮凸的身材,我贏了!
 
「YES!我贏左啦!維園阿叔,你快D講返俾我知,小詠佢點啦!」我高興的說,卻只見天命叔搖了搖頭,仍然氣定神閒的看著我!是我弄錯了甚麼嗎?
 
「喂,小龍,返工呀?」天命叔沒有看我,反而是向那美女說話!他怎會認識這美女?小龍?慢著,該不會……
 
「係呀,天命大哥,我依家返工呀,得閒過黎飲兩杯啦!」雖然這人的動作極為女性化,用字亦偏向女性的感覺!但他那雄性的聲音,卻出賣了他!
 
「點解?點解會咁架?」我難以置信的看著他們,簡直不敢相信這是現實!
 
天命叔跟眼前的「美女」寒喧了一會後,便慢慢的向我走來!
 
「點呀細路?好震驚呀?」天命叔對著我賤笑!
 
我只能一臉疑惑的看著他!
 
「傻仔,聽完你想賭咩之後,我就諗到你想點啦!小龍佢好守規矩,每個星期日三點鐘一定會出現係呢個轉角位!但佢其實係灣仔D人妖酒吧度做,我識左佢幾年架啦!所以我一早知佢係男人!好啦,其他野唔好講住,我地上去拜師啦!」天命叔高興的和我回到道壇!
 
「黎,簡簡單單得啦,倒杯茶俾我,嗌聲師父得啦!」天命叔坐著說。
 
「咪住,頭先唔係咁講架!你要話返晒俾我知小詠佢點喎!」我倒了茶,卻不是給大命叔,而是自己一飲而盡!可惡,想不到他原來早知道那「美女」是男人來的!
 
「好!承諾就係承諾!我講返俾你知小詠發生咩事!」
 
然後天命叔便把小詠之前發生的事情,和她的現況告訴我了!
 
「者係話,佢依家係個神主牌度,跟果個唔知咩人修練緊呀?」我驚訝的說。
 
「無錯!好啦,唔好咁多廢話啦!快D拜師!」天命叔再次催促我!
 
然後,我慢慢站了起來!
拿起了茶杯,再次一飲而盡,然後轉身便跑!
 
「喂!細路,你唔拜師,唔怕毁壞承諾呀?出左事我唔會理你架!」天命叔急道!
 
「痴線,我無破壞承諾,點會有事!你自己諗下點解啦!拜拜!」我已逃得遠遠的了!
 
然後,屋內只餘下天命叔一人,呆呆的看著空了的茶杯!
「搞咩呀?點解會咁?」天命叔想不通,為甚麼我這樣還不算破壞了承諾!
 
「師傅,因為子鋒無講明時間呀嘛!」一把熟悉的聲音在天命叔腦內響起!
 
「小詠,又係你搞鬼?」天命叔說。
 
「師傅,今次唔關我事架!係子鋒佢特登將個承諾分開左幾節黎講Ja!」小詠說。
 
「分開左幾節?呀,個死仔包!佢唔係話「知道你安全之後拜師!」,而係「知道你安全!之後,再拜師!」!呢D小聰明佢就諗得咁鬼快!」天命叔忿忿不平地道。
 
「師傅真係慘!咁都俾佢走甩!」小詠說。
 
「你唔駛扮野啦!你一早知道都唔提我!早知我唔幫你上香修練!等你慢慢係個神主牌入面呆等十年!」天命叔說。
 
「嘻嘻!師傅唔會咁對我嘅!雖然依家淨係可以用到心靈溝通,但照呢個速度,應該可以好快聚到魂,到時我又可以出黎幫師傅手啦!」小詠說。
 
「你唔搗亂都算係咁啦!仲有,唔好以為真係咁快可以復原!就算有我幫你,充其量加快你恢復速度,愈到後期會恢復得愈慢!六七年都係走唔甩架啦!」天命叔說。
 
「嘻嘻!無所謂啦,可以同師傅傾計,可以同子鋒佢地傾計,已經好開心架啦!咁師傅諗住點呀?子鋒佢又走左去?」小詠問。
 
「點?佢以為佢果D小聰明會有用咩,佢已經應承左會拜我為師!呢點已經係事實,佢唔會再走得甩!」天命叔說。
 
而正在回家的途中,我突然打了無數的噴嚏,此刻的我還不知道,我始終是逃不過拜師的命運!