睇住自己心愛既女仔，由女神變做一隻雞: 第四章 【自欺欺人】

我當下幾想同佢，「我唔收婷婷錢姐，但我要收你錢喎！」
 
當然，我係唔會講出口既。總有人知道毒撚唔會講狠話，於是成日俾人蝦到上心口。
 
「講笑姐，數還數，路還路呀嘛。」李sir最終都係拎左張500蚊出黎，「剩底既俾你去買零食啦。」佢邪笑。
 
佢遞俾我，我好唔想收佢錢，但唔收又好無禮貌，亦會係婷婷面前有失風度。
 
其實我已經輸左，收左，代表自己只係小朋友，係婷婷面前霸氣盡失；唔收，又無風度，而且亦都無理由唔收。點講呀？同佢講話，「我唔鐘意你呀，唔收！」咁樣？
 


最終我都係收左張500蚊紙。
 
「多謝你呀，係呢…你叫咩名呀？」婷婷問道。
 
「叫我雄仔得啦。」我簡短咁講。
 
「好啦，我地走先啦，多謝曬。」然後佢就同李sir一齊走先。
 
我企係度，收返埋張大紙，然後向婷婷佢地既方向行，因為咁岩我去搭車果條路就係佢地行緊果條路。
 


我跟係佢地後面，本來都好安守本份既。
 
隔左一陣，李sir就搭住婷婷個膊頭，邊行邊搭。
 
婷婷一開始都反抗架，但佢表情好似唔係真心想反抗咁，而係笑笑口咁。輕輕咁打左下李sir膊頭，口中唸唸有詞。
 
好明顯…岩岩佢地只係打情罵俏。
 
我無去搭巴士住，因好奇心驅使，我跟住佢地，睇下佢地搞咩鬼。
 


人就係咁架啦，明明下一幕可能會令自己心痛，但都係會想睇埋落去。
 
我見到佢地行入停車場，一路有講有笑。
 
然後婷婷就上左李sir部Toyota度…