Day2
「係喎補祝你生日果日你搞乜。」我一路寫果啲合埋眼都識既資料表。
「電話冇電。」佢有所隱瞞咁講出果日冇啦啦放飛機既原因。
「真係咁簡單?」我一手就攞開左佢寫緊既表。
「同埋響廁所到嘔...白...泡...」佢愈講愈細聲。
差啲乜都聽唔到。
「......哈—」我好想大笑但見到啊紙black black地面,
我就收左口。
「笑乜啫你!!!我已經俾老竇沖水我先醒架啦。」佢搶返張紙講,
本來我都未知架,




佢講完我就即刻笑左。
「唔準笑!」佢再咆哮多次。

無計啦朋友嘛。
邊有咁易放過你呀。

我一於扮到反曬白眼,嘔曬白泡個樣。
用力反上去,個人微微縮埋,
再側側個頭,成個人瘋狂發癲。





啊紙就係咁笑左出黎「屌!唔好戇鳩!」
真係諗返自己個樣都好笑。
於是我就再扮多次,
「啊千!唔好再玩啦!係咪要罰抄。」原來miss見到喎。
「唔係!」我堅決咁回應佢,仲要俾曬敬禮既姿勢。
啊紙就響我耳仔邊講「我想再睇。」
又叫我唔好戇鳩!
但又叫我再扮多次,
嘔白泡都好睇既?





既然佢咁想諗,我都係無拒絕到,做多次。
「miss!啊千仲玩緊呀!」喂喂喂!我屌呀!
啊紙你報串!
「啊千!!!罰抄!!!」miss就再次咆哮我個名,
我俾人雷咋...唔關我事架...
響側邊既啊紙笑到gap gap聲,
「抵你啦,扮我扮得咁開心呀嗱。」所以你就要雷我...?
「估唔到...我地既感情...」我扮攦抹眼淚咁同佢講。
「係咪想我再報串?」最後我都係收聲咁,寫埋淨低既野再抄書。
已有 0 人追稿