「喂,磅水夾份買零食。」啊紙攤大手板問我攞錢,
於是我就好唔情願咁搵左張廿蚊紙出黎,
鑑於我懶既關係,
出去買野食既工作緊係由啊紙做。

就響午息之後,
啊紙攞住十蚊四包既栗子同十蚊兩包既紫菜,

我屌!
唔通佢冇出錢?!




算 見你平時請我食下朱古力咁。
算!
...
算!

「妖,我唔鍾意食紫菜架囉。」我反左一下白眼同佢講。
「你又唔講?」佢愕然咁拆開栗子既包裝。

第一包栗子...咁就冇啦冇啦。





皆因我地兩個數學成績都比較唔係咁好...
所以轉課室,都要分去較差果班。
不過都係影響唔到同啊紙一齊坐既命運。

等左陣Miss YeungYeung就入左黎啦。
代表住數學堂又開始,
「啊千,有冇興趣食呀?」佢冇啦啦攞左包紫菜出黎,
雖然係唔鍾意食,不過買得返黎唔通唔食咩。
我伸一伸隻手出黎,
接過紫包,




轉開包裝,
彎一彎腰,
輕輕放響口,
等佢慢慢冧。
安全的。

「咔嚓—」清脆既聲音響寧靜既環境下響起。
係來自紫菜同牙齒折斷後,
令紫菜與紫菜分離既聲。
...
我望一望啊紙,
佢咬住塊紫菜成個人呆左,
再用三秒三既速度食埋佢。
好彩Miss唔知啫。





「屌真係嚇撚死我。」佢極緊張咁講,
我就好過癮響到暗笑。
「認真啲。」miss用神速由黑板銳利咁望住我地。
當時我地兩位緊係扮返乖巧啦。
「我嘴角有冇野?」佢另過黎問我。
「冇...咁我呢?」我又反問返佢轉頭。
「下巴有呀。」佢指左一指我下巴。
我瘋狂咁掃黎掃去。
「依家呢?」當然都仲係痴住啦。
「屌...你唔係想我好溫柔咁幫你整呀...?」佢擺左一副無奈又唔情願既樣,
唔幫咪唔幫囉...講到我塊面有毒咁。

「其實好刺激。」我細細聲同佢講「淨食糖都未有咁癲。」
「中五就係要做啲低form唔敢做既事。」佢一邊寫字一邊講。





的確係既,
時間已經冇多,
倒不如試一啲,
錯過左就冇得再試既野。
已有 0 人追稿