我宜家真正明白到咩叫做「叫天不應,叫地不聞」。
H慢慢咁哄埋嚟,究竟我應該踢佢下身,定抓佢上身好呢?
 
正當我六神無主之際…
H係同我差唔多鼻掂鼻嘅情況下,停低咗!
佢轉移自己嘅航導,哄咗埋我左耳耳邊「放心,我唔會夾硬嚟。我要你心悅誠服咁鐘意我。由今日開始,我宣布我H,正式追你。」
 
當我重消化緊佢講咩,同以為佢後退嘅動作係等於放我走時,佢輕輕啄咗我個咀一下!!!!!!
「當落住訂先啦~」H輕佻地講完,就走返去佢自己個司機位,準備上車。
 


我仍然係呆咗係到,根本都未LOAD到發生咩事。
 
「喂! 重唔上車,想係到吹成晚風呀?!」H一再催促。我眼見四野無人又無車,局住要上佢架車走人。
「想去邊? 想食飯了解下大家先,定係想去邊到?」我真係諗極,都諗唔到我會識得邊個,係無賴過佢架!
 
「車我去山林道,我要去搵朋友。」我冷淡咁回應,嘗試唔俾佢發現我仍然因為頭先嘅事而激動緊。
 
車好快就駛到山林道。一停低,我就二話不說跳咗落車。
「唔該晒。」更討厭都好,我依舊知道咩叫禮貌。
「Sky~」H係我身後叫住咗我,我無奈咁轉身望住佢「記住準備接我招呀~」


 
我不自控咁打咗一下冷震,點解呢個世界會有啲咁自大嘅人架?!
我以9秒9速度飛奔上去Silence。
 
Silence係我一個老死開嘅les bar;雖然叫做Silence,但係一啲都唔靜。我相信會改呢個名,係因為佢老闆我老死叫做「亞靖」。
亞靖、路比同我,都識咗好多年,大家係心照嘅朋友;又或者咁講,我哋嘅關係,似親人多啲。亞靖其實好鍚我,Knot有唔少night party,其實都係佢介紹俾我架。
 
 
亞靖係一個PURE,係我人在台灣時佢就同自己個女朋友仔散咗,一直單身到宜家。但我知道,佢心入面一直都有一個人係到。
嚟Silence玩其中一個原因,除咗係就大部份人嘅腳之外,就係亞靖長期留咗間房俾我哋,任我哋點玩都得。


 
我一入到Silence,唔理三七廿一,就一個箭步衝咗入廁所,根本無視同我迎面打招呼嘅小卒同亞KING。