「…喜歡你 我最清楚這感覺 從前你是你 從前我是我  現在縱使不清楚 我最愛你甚麼 尋覓你 留住你 全憑直覺……」
係我腦海中,突然浮現這段歌詞。
 
由Sky嚟搵我同佢合作,到佢舖頭細至換燈泡,大至搬嘢,我都好樂意去幫佢,係!我承認!
我對佢嘅感覺,可以用日久生情嚟形容。
 
但……我知道,Sky個心結一日未解開,佢都好難將感情投入,加上無啦啦出現個H,事情又被推到去一個困局裡。
 
問題係:真係將依堆繩結……解開?Sky個心結就能解除??
這班朋友,未免太過可愛喇……


腦海一路思想中,焗爐計時鐘響起「嘩!!嚇死人咩!」
哎吔!激氣!掛住諗嘢,又辣到隻手,又多條疤痕啦!