Welcome To Knot ~ Season1: #28

車終於返到海邊，我提議不如先去食魚蛋粉。
 
「你著到咁，我唔想你坐係嗰到，一係你先返去，我去買外賣？」啫喱好為我設想。
我笑一笑又點下頭，示意我會先回Knot等佢。
 
返到去，我先整理一下自己嘅思緒。
「呼~」長長呼咗一啖氣。
後門門鈐響起，係啫喱返嚟。
我同佢坐咗係舖面，一路食住粉，一路天南地北咁傾計。
 


到大家都差唔多，我抹一抹，望住啫喱。
「做咩？我個咀污糟咗？」啫喱自然地摸一摸自己個咀。
 
「無呀。」我摇一摇頭「啫喱，今晚我有啲嘢想同你講。」
啫喱望實我，點一點頭。
我行咗去工作枱，係櫃到扲咗一條繩出嚟。
「一切，都由3年前開始。」
 
我坐返係啫喱前面，一路低頭打繩結，一路平平淡淡咁訴說自己嘅故事…就好似講緊人哋個故事咁。
 


直到故事完結，都啱啱好打晒成條繩。
我抬起頭，眼淚大滴大滴咁流係我面上，再滴到手背上。
 
「呢個就係Knot嘅來源。」我由得淚水繼續流。
「係香港，除咗路比同一個幫咗我好多嘅朋友之外，就只有你知。我希望你可以幫我保守秘密，直到我嘅心結真係解開。」
 
啫喱行咗埋嚟我身邊，半跪係我面前，環抱住我。
「點解肯話我知？」啫喱一邊撫摸我頭髮，一邊問。
 
「因為我好想解開呢嗰結。」我抬頭望住啫喱「我好想呢個人係你。」