啫喱接到Sky嘅電話之後,就好心急咁想要衝出去。
但係喺出去之前,就係要踢走我呢個黐酒飲嘅瘟神!
 
我見時間差唔多,我諗起都差唔多時間落Silence…
自從個次喺吧度錫過靖之後,我哋都好有默契咁冇再提起嗰晚嘅事,相處都同以往一樣,但係唔知點解個次之後,我冇晒興趣再落其他場玩。
 
而呢個故仔,就係發生喺我去完Silence之後。。。
--------
成哥如常開住佢嘅夜更的士,接載嗰啲夜歸女子,佢知道彌敦道近山林道附近特別多人要車。
今晚都已經載咗四轉,等車嘅人亦都越來越少,成哥將車泊低冇耐,心諗做多一轉應該差唔多收工,突然間感到一股寒意襲向佢嘅後尾枕。😱


回過神之後,就發現有一個身材瘦削,頭髮凌亂,面容好憔悴嘅女仔坐咗喺後座。
 
「小姐,想去邊呀?」
「 ………」
等咗了一陣,成哥再問,「小姐?」
然後成哥聽到一把好輕嘅聲話:「我想去…」
個女仔慢慢咁一個字一個字唸咗個地址俾成哥聽。
唔知點解,喺嗰一刻,成哥聯想到嘅係燒衣時附薦包上嘅地址。
 
成哥心裡面隱隱升起一陣寒意,心諗最近成日都開夜,可能身體虛咗,聽日去搵個中醫睇睇。


因為成哥唔係好熟悉呢個地址,開過沿海公路之後,佢再望下嗰個女仔,睇下可唔可以幫佢指路。
 
從後鏡中,個女子一直都係頭低低的,一言不發,唔知佢瞓咗定點,但當車轉入小路之後,成哥聽到個女子幽幽咁講,右邊,頭還是保持低低的。
個女仔好似唔洗睇車外面,就知道車開到去邊度,每次要轉方向嘅時候佢就會細細聲咁畀方向。轉入小路後,又再轉咗幾個小彎,車開到一個了無人煙嘅地方,路盡頭就只有一座獨立屋。
 
成哥停好車之後,望一望咪錶,就轉頭同個女仔,「多謝,444吖~ 」
講完,個女仔停咗陣,然後聽到個女子輕輕咁問,「唔好意思,我唔夠錢,我屋企就喺前面,請你等一等我去攞錢俾你?」女仔指一指前面那個獨立屋。
「哦~咁呀,好啦,我等你」目送個女仔入屋。
 
過咗半個鐘,成哥都見唔到個女仔出嚟,佢就走咗再去門前按鈴。


開門的是一位長髮美女,可能係果個人嘅姐姐。
「唔好意思,啱啱我車咗個女仔入嚟,佢…係唔係你個妹呀?佢話入嚟攞錢俾我,我仲未見到佢……」
「吓?妹??!啱啱無人返黎喎。我……我個妹喺上個月出車禍過咗身喇,你係呢個月第3個話載過我妹嘅人……」 
 
成哥由頭震到落腳,轉頭就飆咗上車,一支箭咁走咗。
 
「出來啦,佢走咗喇~」Taz 從房後面整理一下凌亂頭髮,走咗出來。
剛才應門嘅女仔叫Gii,呢間屋嘅主人,同Taz啱啱喺Silence認識就攞咗Taz個電話。
「搭霸王車!!你隻cheap精!要懲罰你!」講完佢就走過去往我身上面亂摸。
 
我靈巧閃開咗佢嘅襲擊「你唔好再住偏僻啲!!我點知會咁遠喎,我得兩張紅底喺身咋~」
「咁你咁叻又識嚟?!」
「喂,我頭先係車一路問住Google大神架,check實你俾我嘅direction,我唔係想嚇司機架。」
再望一望四周:「係呢?你唔係ehatsapp俾我話有after party嗎?人呢?」
Gii狡猾咁笑咗一下~


『YOU & ME makes a party!!!』
 
……呢度叫天不應,叫地不聞,我終於明白,點解Gii要住啲咁偏癖嘅地方。
睇嚟今晚都冇覺好瞓!!