由Taz 上咗我車開始,我個心一直都冇好好咁平伏過。
 
雖然我係叫做已經表白咗,但我同Taz可能就好似啫喱同Sky咁,友達以上、戀人未滿啩。
又或者,根本都未到呢個地步。
 
我繼續做我嘅守護神,Taz繼續佢嘅玩樂生活。
 
佢係就係嚟Silence多咗,不過…玩,就玩得癲咗。
好幾次我都見佢俾人攬住、或者攬住咗人咁離開。
我唔知佢見唔見到我望住佢。


但我好肯定係,我個心會痛。
 
去到我私人教練加好朋友亞Sam*嘅私場,我哋三個人就換好衫做好準備。
我知Taz冇玩開,所以我會睇住佢多啲。
 
由教佢呼吸,都基本動作。
我嘗試以平常心去教佢。
可惜,我feel到自己心跳手震。
 
玩咗個零鐘,Taz就話攰。無法,我同Sky就唯有陪佢一齊走。


沖涼,咁啱(笑)入咗Taz隔離個格。
明明有成幅牆擋住,但係聽到佢個邊嘅水聲…我可以令我限幻想。
 
送咗Sky去車站,我就同Taz過咗SOHO。
其實係佢想過去,我唔放心,就搵個藉口一齊去。
 
「叮叮~」電話傳嚟whatsapp message嘅通知。
係Sky:「加油呀! 快啲努力住埋入去人哋到啦。」
 
八卦Taz望到個message:「你要搬咩?同人住呀?」


係咪我get錯咗,我feel到有啲酸味。
 
「呀…唔係呀。我都唔知點解Sky send過嚟,可能佢send錯人。」
「…係咩??嗯~ 今日都冇打扮過就出咗嚟…好醜樣。不如上去你屋企化個妝先囉。你會借埋衫俾我架呵~?!」