一次爆炸，令我成為特務（主角光環，愛情，特務）: 24.洪老師

在旁晚時分的天道中學中，一位教職員打開了天台門，走進了天台。

「你黎喇？洪sir。」夜宇身穿白tee牛仔短褲，此刻的他已變回藍髮，坐在一旁的沙發上，喝著可樂，看著日落。

「估唔到組織既科技甘勁，係出面真係完全見唔到。」洪sir看著一旁邊巨型的停機秤道。

現時的天道中學天台被加上了一個停機秤，一間正方形小房子，整個天台放了沙發，茶几等傢私，還有一個巨大顯示屏，顯示著學校不同角落。

「坐啊，洪sir」夜宇移出空位供洪sir坐下。





「洪sir。」兩個聲音從天台門口傳出，卻有三個人進入天台，他們是世豪，王源，紫刃。

「大家都feel到？」紫刃自顧地坐在藍狼對面的沙發道。

「嗯。」夜宇和王源同時回應，他倆的表情都十分嚴肅。

「咩事？」洪sir疑惑地問道，而世豪同時亦以困惑的眼神看向夜宇和王源。

「黎緊會大事發生。」夜宇說。





「可能會有大傷亡，我哋會被恐怖式襲擊。」紫刃以沉重的聲線道。

「而目標係母液晶體，姐係你，洪sir，」王源則以擔心的眼神看向洪sir。

「究竟係咩事？點解一時我又會比人刺殺，一時又要比人保護？你哋哩個組織好講喇下！」洪sir憤怒地將雙手拍向茶几，自從上次被組織告知是刺殺的目標後，又被通知會被自己學生貼身保護。但卻無人向他解釋原因

「自從母液被大量帶黎地球後，我哋先知道母液嘅存在。。但其實歷史上曾有不少嘅母液透過殞石黎到地球，而且純度好高，加熱後形成咗晶體。

母液除咗孕育咗唔少生命之外。仲有唔少母液間石成為咗生靈，例如孫悟空，同佢師傅。。 唐三藏。哩種生靈既靈魂強度比一般人強硬，稱之為原靈。





而且佢哋嘅肉身被其他生物吸咗之後，可以長生不死，力量大增，甚至境界亦會大升。

但自從研究咗母液之後，知道咗原靈可以再透過母液，重新練化成純度更加之高嘅母液晶體。而且仲可以令到凖天境嘅人突破到天境，或者。。會更高。。而洪sir你，就係地球上，最後一個原靈。」夜宇擔心地說道，因為洪sir是唯一夜宇曾經受難，被逼害後，還會信任他的老師。

「而佢哋上次想刺殺你既原因，只係想確認你係咪原靈。。」紫刃說。

「點解你哋知道我係原靈？」洪sir剛剛憤怒的表情瞬間切去，好像已經暪不住某些事情。

「前幾日你突破人境高階嘅時，唔小心釋放出咗原靈氣息，我哋係你嘅學生，當然感受到，只係唔知原來身邊一直有個原靈。」王源回道。

「言歸正傳。而家最主要既野，係保護你，同哩到所有人，我哋要開始備戰。」夜宇望著洪sir，認真地說。

「點解唔轉移戰場？」坐了許久的世豪，得知消息後，十分擔憂。

「只因我哋全校都同洪sir有過接觸，而且我哋班同佢長時間接觸，身上都有原靈氣息，雖然冇得練化，但吸化之後，都會有唔少增益。。而且有接觸嘅人，太多。。。」王源擔憂道





「所以洪sir，呢段時間委屈你喺學校住住先，而藍狼，你就要係廿四小時stand by係學校保護洪sir，其他同洪sir有長期接觸嘅人嘅屋企，組織已經派咗人去保護，但一有咩事你都要盡快趕過去。然後聽日，要通知你個班嘅同學做準備。」紫刃說。

「好
「收到。」

夜宇和洪Sir一聲後大家都變得沉默，大家都為著天道中學和洪sir而擔心和煩惱。