如果比多次機會我 我一定唔會攞小丑黎開玩笑: <三>

" 喂，起身未呀? 琴晚又打機打到天荒地老呀？" 阿庭從電話中講
" 係呀，沖rank嘛，做咩呀？" 
" 無呀問你食唔食晚飯呀？食就宜家落嚟樓下茶記，當然拉埋肥仔落嚟啦！" 阿庭說
 晚飯？我行出廳望一望個電視，嘩屌而經播緊六點半新聞報道
" 唉，好啦十五分鐘落到嚟，你攞定位先啦！" 
" Ok! "  阿庭說

阿庭係我哋三兄弟中最勤力個個，一大學畢業就即刻搵到工做，邊度似我同肥仔咁，日日喱係屋企吊吊fing先得架，好多時我哋屋企水電煤都係佢一個人搞掂哂，佢真係好彩又有工反，又有個由初戀拍拖拍到依家都成七八年嘅女朋友，叫做海麗。

十五分鐘後，勤記荼餐廳內。





 " 例牌唔該! " 肥仔好有中氣咁講
依間茶記無論過時過節事無大小，都係我哋三個嘅例牌飯堂。
 "無問題 !" 茶記呀姐夾雜住唔咸唔淡嘅廣東話說道

 櫈我都未坐穩呀我就立即彈一句  " 喂！仆街你知唔知我琴晚發惡夢嚇到我鳩都縮埋！" 
 " 發咩發到咁跨張呀？不過話事話你縮唔縮都無分別。。" 肥仔答
 " 吊你啦！認真呀！琴日臨訓前睇完阿庭條片，跟住就發個小丑夢，個情況同條片差唔多，只不過係喺香港。" 我說
 " 有無咁誇張呀！我都係見條片幾好笑我先tag你哋，無諗過會搞到你又發惡夢又細佬都縮埋！" 阿庭話
 




" 咦！唔係喎，我諗到啲嘢！今次掂啦，我哋今次實紅啦！" 肥仔說
 " 噏乜呀你，都九唔答八嘅你，無端端會紅乜鬼？" 我說
 " 你唔記得琴日我哋講過啲咩啦！我哋要出名啊嘛，依家米有個天跌落嚟嘅機會囉！"肥仔說
  我無立即答佢我認真諗咗陣，唔通肥仔諗住我地係香港扮小丑？得唔得架？唔得咪好柒？
 
''你諗下喇，香港人乜片都拍，通常都係學鬼佬啲片架啦，我覺得有得做喎！你諗下我地以前有咩野唔夠膽玩唔夠膽做姐，又唔係傷天害理，而  家唔玩都唔知以後仲有無機會啦！紅左隨時工都唔使返我地度橋玩呢樣玩果樣淨係訂閱都夠啦！想請邊個女神幫你拍片都得啦！你睇下啲    youtuber有幾多個真係有份正職？" 肥仔說
 我都未諗完肥仔已經一輪咀講左佢既諗法出黎，呢條友又真係幾有諗頭架喎，雖然講到好心郁但係我都仲係比琴晚個惡夢嚇到！
 
" 喂！你哋究竟噏緊乜呀？我原全唔知你哋想點！" 阿庭說
  " 你唔好嘈住先！你咩都唔洗理架啦，一定有你份！咁點先依家晴哥？有無機先今鋪？"肥仔說道




  " 唔係唔得，但係... " 我說
  " 但咩係啊！就咁話啦！我哋三兄弟拍著上，今次唔出名都難啦！" 肥仔話

我哋食完飯，慢慢行反屋企，肥仔就一輪嘴咁同阿庭討論緊佢個大計。而我一句聲都無出，因為我一路係到諗究竟成見事可唔可行，同埋始終我硬係覺得有啲唔妥，不過又諗唔到係乜！就係咁我哋開始分工籌備我哋依個大計。我就負責諗我哋應該點拍條片，搵下場地，肥仔呢就負責搵啲道具呀服裝等。而阿庭亦因為佢女朋友係讀攝影嘅，所以就搵去負責搵啲攝影器材，睇下佢可唔可以問去女友借啲器材反嚟。