致我們逝去的愛情: 人海中遇上你

       打開Play Store，見到有好多交友app，就緊係揀左個免費既試下啦，一入到去冇想像中咁複雜，簡單設定好自己既profile就開始人生第一次既網上交友。

嘩，呢個幾店喎、呢個都唔錯、呢個假左D喎，第一次玩既我就緊係好似大鄉里出城咁啦，一面睇就一面自己心入面比評語，差在未打埋飛機，唔怪得咁多人鐘意

上網識女仔啦，碌下碌下就碌到落底，就突然有個女仔add我，打開一睇，驟眼睇個女仔既icon，非常似台妹，大眼仔、V面，露溝、長腿，心諗自己咁好彩？岩岩開始就有條咁正既女聊自己，

即刻FF緊自己係C朗，佢第一句就係「你好，加我 Line XXXXXXXX，價錢可以慢慢談」，你老味，原來係搵客既，雖然我唔係正人君子，但亦都唔係斯文敗類，就緊係冇理佢。

正當我以為呢D case只係冰山一角，唔會太多既時候，又有多兩個女仔send D類似既野過黎‥‥其實我係咪down錯左app？半個鐘入面我收到不下十五個呢類信息‥wtf





       我想del app之際，電話一震，又收到信息，心諗九成又係個D野啦，點知一睇，係有個女仔同我say hi喎，呢到終於有個正常既女仔喇，好感動，唔好話識女仔

，想吹句水都難呀，難得遇到個正常人，就即刻睇下佢profile，點知得個英文名，其他資料乜都冇打，算啦，有人肯同你吹下水咪算好，就諗定三千字，費時出現悶場，

「Hi，我叫A呀」、「Hi，我叫曾雙」、「我唔想打字呀，打到手仔都累，不如我地玩語音呀？」咁奇怪，第二句就叫我玩語音？一定有D野既，咁岩就彈左句系統提示出黎

『語音功能須成為 VIP 才能使用』‥‥‥‥呢條女好明顯就係想人入錢啦，其實我認為比少少錢玩呢D app冇所謂，最緊要比得情願，但兒家好明顯就係叫你入錢啦仆街，咁醒既我

  就緊係唔會入啦，呢個時候就緊係試下佢咩料啦，「我買 VIP 了，可以語音了」、「A：哦，不過我兒家唔方便喇，下次再傾啦」然後就再沒然後。






        有日我地四個又出去牛加 L，「夏，你介紹果個app係咪有人介紹比你架？」、「係呀」、「哦，咁個條友都應該幾憎你」、「下，點解既？」、「入面D女唔係搵客就係開

   呢個app既人扮女人叫你入錢，好伏feel喎師兄」、「呢D就緊係有架啦，小心D揀咪得咯，我同事D女都係係到識咋嘛」、「是但啦，當吹下水咪算」，「狗俊：嘩，你睇下郭

   幾撚風騷，溝到女係唔同D，笑都笑得特別猥瑣‥」、「郭：我屌你咩獨撚俊‥‥」

        唉，算啦，洗乜太認真呢？女姐，冇唔洗死既〈有個陣一定唔會咁講〉，唔單都單左咁耐咯，緣份呢家野要黎就黎，唔黎你點請佢都唔黎啦，話就係咁話，隻手又自動去開

   個app，碌下碌下終於見到個幾順眼既女仔，佢icon幾暗下，可能背左光，但都睇到個樣八成，長頭髮、眼唔大、鼻唔高、冇V煞、笑起上黎幾好睇，勝在夠自然，禁入去睇佢





   profile，原來叫Angela，23歲，仲讀緊書，於是就鼓起勇氣「Hi，我叫曾雙呀」，冇耐之後佢就覆左我「Hi，我叫Angela」，我地傾左一陣之後，佢就比左佢既電話我，

   〈你地可能會諗，有冇咁易呀？三唔撚識七咁快比埋電話你？個電話一定係假架啦、電話唔係假既話咁個女仔就一定係假啦、九成係男人扮既‥〉但我真係冇咁諗過呢D野，

   好奇怪呀可？我都答唔到你點解，於是就拿拿聲加左佢，就係咁呢一日由我返工到收工，收工去踢波，踢完波，我地都係到傾計，第二日我連app都del埋啦，洗乜咁認真？

   係呀，我就係咁認真。