惡魔也有善良的嗎?: 第六章

啪啪….啪啪啪….啪
 
[先生!???先生到站喇!!先生?]
 
[嗯…姐姐?]
 
[先生到總站喇,仲唔落車!!!]
 
[SORRY!SORRY! 唔好意思啊.]
 




原來我訓著左發夢,但係點解會發個咁既細路仔夢既…..夢入面個女仔仲係咁叫哲
 
哲哲…..唔通個個就係我姐姐?但個到既環境又唔似我身處既呢個香港….
 
算啦,都係唔好諗喇,諗下轉頭食D咩仲好啦.
 
望黎望去屋企附近都係冇咩野好食,成日食老麥,KFC個D太熱氣啦,都係係返樓
 
下間茶記食個火腩飯對返支青島好過.
 




[火腩飯,冰凍青島一支到喇,哥仔.]
 
[唔該哂.]
 
係我食緊飯既時侯,對面冇啦啦坐左條友係到仲要叫埋伙計嗌個斑腩飯同可樂,咁
 
我當然好自己望一望條茂李係乜水啦.
 
[望咩姐,食飯又唔叫我係到自私食.]
 




[你今日都收早咩,唔返屋企食?]
 
[阿爸阿媽出左去飲,屋企咪冇野食囉,你唔係唔俾我搭枱啊.]
 
[俾俾俾,點敢唔俾啊,我頭先以為有靚女坐低陪食飯,點知原來係你.]
 
[咩呀,我依家好差咩!!!!]
 
[咁又唔係既,爭D咁囉,哈哈哈哈!!!!]
 
鳳玲就係咁,雖然宅宅地但天性善良,為人又冇咩脾氣,總會為人設想,從來D人做
 
錯野佢唔會罵人,反而會問清楚因由再去解決問題,做朋友又仗義疏財,不過成日
 
俾人搵笨問佢借錢個D多數唔會收得返,間唔中我都會幫佢追返D數,有時佢話




 
少少錢由佢啦,你話幾舊水算數我OK,但係大拿拿幾千蚊喎緊係要追返啦.
 
[係喇,阿哲陣間有冇野做?冇野做不如去踩下單車.]
 
[OK啊,反正我冇咩野做.]
 
[好啦咁陣間8點係樓下等.]
 
食飽飯返到屋企梳洗下,執下野就8點喇,拎埋架車落樓下了,話說我地都經常出
 
去踩下單車,多數都係鳳玲約我,而已我部公路車都係佢送俾,我聽講鳳玲以前係
 
單車代表隊,因為訓練過量令到雙膝既十字韌帶撕裂,從此放棄代表身份做個單車
 




發燒友擺了,不過我地平時都會以短途比賽形式玩玩輸賭下野飲,但今日有D奇
 
怪,條單車路竟然無乜人係到,平時都仲會有D MK仔踩住架子彈係到撩女仔,又或
 
者係車住條女係到懶浪漫遊車河,不過既然冇乜人就緊係開盡佢踩快D啦!!!!
 
[鳳玲我加速喇BYE BYE!]
 
[你真係好衰囉,次次都呃野飲既.]
 
吐露港咁大條直路加上今日又冇咩人緊係要爆下SEED啦,唔洗5分鐘已經拋開
 
鳳玲百幾兩百米,突然有兩架電單車出現截停左我,呢兩個人來勢汹汹睇黎來者
 
不善.




 
[唐。柯德萊哲先生,我地阿頭想見一見你,可以跟我地走嗎?]
 
[柯德萊哲?我係叫唐哲,我個名冇咁長同埋你地係咩人呢請問?]
 
[我地係某個組織派黎接唐先生你的,如非必要我地唔係好想行使暴力.]
 
[嘩!你講到咁我唔跟你走唔得咁WOR.不如咁啦,等我朋友過到黎我交架單車俾佢
 
再交代一聲先跟你地走啦好嘛?]
 
[OK!多謝唐先生你既合作.]
 
[阿哲你做咩停左係到既,你D朋友黎架?]趕上來的鳳玲說.
 




[鳳玲我有D事要跟呢兩位大哥走,佢地可能知我以前既事可以順便打探下消息,
 
你幫我拎架單車走先,暫時放係你到先啦,唔該你!]
 
[咁好啦你要小心D啊!!]
 
[得架喇!我OK的,兩位大哥,請!]
 
係呢個情況下我真係冇得唔跟佢兩個走,第一我走實唔夠佢地走架喇,佢地就電單
 
車我就踩單車,第二佢地講到要用暴力都要帶我走,姐係打我又唔夠佢地打,係呢
 
個咁不利既環境底下唯有就係跟佢地走,同埋最後一點就係我失憶以黎都冇人搵
 
過我,最近有個黑衣少女依家就有兩個大哥話要塔我走,咁好有可能係認識既人啦
 
,正所謂不入虎穴焉得虎子可能會有好消息呢.
 
跟住呢兩個大哥左兜右兜行到出馬路邊就上左架私家車走,大概行左45分鐘左
 
右就到目的地,係我面前既係一座好似歐洲大屋咁款既屋,心諗我住呢到就爽歪歪喇.
 
[唐先生,總長係入面,請!!]
 
[哦,麻煩哂兩位大哥.]
 
推開大門,內裡唔係D咩金碧輝煌既豪宅,入面既環境好似歐式洋房,而且係比較
 
古舊個種,每一幅畫或者盆栽甚至乎係家俱都有一種似曾相識既感覺,再走前幾步
 
係客廳坐左個短頭髮既女人,佢飲緊酒.佢飲緊既係紅酒,難怪一入黎就嗅到D葡
 
萄酒既香味,再嗅真D,真係好香.
 
我繞過那張梳發,走到那個女人面前,當我看到這個女人時,內心不斷提示我,因為
 
我的心跳得很快,不是因為她的美貌和姣好的身材,而是一種熟悉的親切感,腦筋
 
不斷地走,內心熱情般跳動,可是我還是想不起她是誰.
 
[哲,姐姐搵左你兩年喇!!!!!]
 
[姐姐!?]