[信不信由你] 青少年經歷: 2

佢又係度睇新出既淫夢園 都唔知呢d小說有乜好睇 
黎黎去去都係d ff情節 咁撚多25歲既ceo外表又好靚仔咩   

行到咁上下無啦啦有人拍我膊頭 
果陣好興巴士阿叔 即時學佢咁話:「你拍我膊頭做乜撚野呀」 
轉頭一見 竟然係盒仔同其他兩個同學 亦都理所當然地答我:「渣個靚手咪得囉」 
然後就問我:「做乜你同小莉咁好既 1 on 1出街 唔怪得有人同我講你同小莉有d野啦」 
我答:「無野做咪陪佢癲下囉 話時話你地係度做乜鳩」 
佢:「諗住睇下書再去打機呀 你黎唔黎」 
我:「有機打就梗係黎啦屌你」 




佢:「咁小莉點呀 叫埋佢去 定叫佢返去先」 
我:「叫佢返去先啦 佢又唔打坐係度把撚咩」 
佢:「佢今日著得好正喎 睇返你條仆街真係... 落街買野食都會著靚d既拖鞋啦 仲著紅黑人字拖 你約果個係女仔黎架 尊重下人啦」 
我:「你今日都幾多野講 打機就打機啦」 

我行埋去小莉側邊 因為我高佢20cm既關係 
竟然畀我見到佢乳溝 
果陣仲係小毒男既我 真係心跳左2036下 
口窒窒咁同佢講:「你...你返去先啦 我同盒仔佢地去打機呀」 
因為係書局 所以講野都無乜大聲 佢仲哄埋黎咁講:「你咩話呀 我聽唔到呀」 




我大聲話:「你返去先呀 我去同盒仔打機呀」 
佢又黎 呢d樣 
佢話:「我..我.....我整左......都係無野啦.... 咁我走先啦 byebye」 

盒仔見到就問:「你真係去 人地著到咁靚你又叫人返去 賤左小小喎」 
我:「可能佢有飯局呢 算啦算啦 打機」 
係果一刻我真係好傻好天真..... 

除左我同盒仔 另外果兩個叫肥兔同鴨蛋  
我同佢地由中一識到而家 所以係真正既朋友 講乜大家都唔會擺係心度 




但係果時係得鴨蛋同盒仔叫同小莉熟少少 肥兔唔算好熟 最多知大家係邊個 

打完機大家都會坐低飲杯野 又要想當年 
而家飲野有n咁多間選擇 果時係得仙跡岩揀咋 
飲品就麻麻地啦 但係都叫坐得舒服 而家我屋企果邊都執埋 想回憶下都唔得 

佢三個都猛咁問我今日同佢做過咩 
我:「睇戲同行書局囉 行行下都見到你地啦 可以有得d咩」 
盒仔:「小莉其實都唔錯呀 做乜唔考慮發展下 我班既男仔想同佢做朋友都難呀 佢聲都唔聲」 
我:「佢唔出聲  佢有陣時都幾多野講架喎 衰在雞仔聲好難聽呢」 
肥兔:「條女都真係唔錯呀 腳哥 襯你就晒左d 人地執正d黎搵你 你又要咁hea」 
鴨蛋好少參與講女呢d話題 所以就猛咁飲野 
我見佢唔出聲就屌佢:「係咪咁撚口渴呀 猛咁飲野 今日都叫涼左少少啦」

飲飲下電話響左下 原來係sms 




又係小莉 
「今日出街好開心呀 多謝你陪我行書局 打機唔好打咁夜啦 禮拜一好多功課交記得做呀」 

我既reply如下: 
「唔駛多謝咁客氣既 話晒大家隔離鄰舍 (班房 ) 套戲真係幾悶 下次唔好再睇呢d 你仲長氣過我老母」 

連鴨蛋都開聲:「話無野你玩鳩我咩 d sms內容咁露骨」 
我:「屌你咩 露撚就有 普通朋友咋 飲完啦 再去打機啦」 

其實我都唔知點解咁鍾意打機 (中學時代  ) 

果日打機打到十一點幾度 跟住返屋企再打aoc 
果時facebook未興 興xanga 但係我好憎d人食乜都要upload上去同人講 
等緊班人入黎果陣就去睇人xanga啦 其實自己都一樣咁撚戇鳩   
睇睇下 睇到小莉xanga 竟然將今日同佢出街打係xanga 




不過無開名.... 
我記得佢留左句歌詞架 不過唔記得左 

開場果下盒仔個仆街竟然當住其他六個人話同小莉出街果個係我 
我即時屌佢老母 佢仲要係咁打aoc果個笑聲出黎 笑到我心都煩 
仲要第二日去佢屋企玩果下見到佢老母 究竟屌唔屌好呢  

第二日我係做完功課先去佢屋企 我同佢既活動係上網睇下女吹下水傾兩咀 
我問佢知唔知有個絕色美女係我地學校 佢答完全唔知 搞到我個心七上八落咁.... 
於是我地逐個xanga睇都搵唔到 果陣真係灰過灰太狼 
返到屋企之後小莉又打黎問我數學 其實佢係咪真係咁多野唔識呢 
真係人蠢無藥醫 只要代數符號多過一個就一定唔撚識 寫撚埋d無可能既答案      
講完一輪之後 佢問:「你果晚打機打到幾點呀」 
我:「十一點幾啦 做咩呀 你見到我咩」 
佢:「其實... 其實......我...我整左...」 




我:「做乜你今日成日口窒窒 聽到好炆呀 成日一句野要分開幾次講」 
佢:「咁算啦 我眼訓啦 你早抖啦byebye」 
我心諗 屌你仲要叫我早抖咁撚串   

第二日就發生左一件事大大影響左我個圈子既事  
而家諗返起 無線既編劇其實唔係ff 應該係將身邊既人所經歷過既事改下就拍劇 
咁樣其實都幾好賺 唔駛用腦又搵到食  

返到班房坐休息下 天氣果時開始轉涼 維持係18-20度 
中學女仔好撚戇鳩 33度會冷背心 涼左反而著少左 
我身體虛成日病 所以我永遠都會有件長袖冷衫係袋 
同埋成班有個戇鳩特點就係交左冷氣費一定要較到十六度   
凍到牙都甩都要開行部冷氣 真係柒到無人有

小莉平時都會著冷背心 但係佢今日反而無著 今鋪你隻手仲唔凍到結霜 




我問佢:「做乜今日咁淫唔著背心既」 
佢面紅紅咁講:「你把口真係好衰 著背心又會關呢d野事 件衫洗左今日咪無得著囉」 
我即時 ---> 
同佢講:「你仆街啦 成班都無人性開到冷氣咁行 你聽冷親都得啦」 
再著返件衫話:「我而家仲暖粒粒 唔駛畀人恰」 
佢真係炆炆地 比平時大聲左同無咁雞仔聲咁話 
「病左都唔關你事啦 你咪叻仔囉有帶衫」 

過左一陣佢真係凍到起晒雞皮 點解我會見到 
因為我想睇佢凍到縮下縮下 
佢過到第三堂真係頂唔順 係咁流鼻水 用左成包tempo 
見佢咁樣個內疚心又黎 佢又好似好辛苦咁 
於是做左件令我極後悔既事 就係畀左件衫佢.... 
佢:「做乜野呀 你唔凍咩」 
我:「大家坐埋隔離費事你病左傳染我咋 拿拿聲著左佢啦」 
佢笑得好甜咁話:「唔...唔該晒 陣間畀返你啦」 
我:「頭先把聲粗d咪仲好 又變返雞仔聲」 
佢無理我 大家都繼續上堂 

去到lunch前一堂我真係仆晒街 用左兩包半tempo 
小莉問我:「你係咪好凍呀 畀返你啦不如」 
我:「唔撚駛啦 我都流緊鼻水囉 陣間返屋企拎件衫食粒藥就得啦」 
佢:「真係 不如放lunch陪你睇醫生啦」 
我:「而家都凍到變停屍間啦 我返去食粒藥得啦」 

於是我lunch就跑返屋企暖身+食藥  

我返到屋企照下鏡 屌那星兩邊鼻翼紅到仆街 
仲要甩皮痛到嘔 
食完飯食粒藥諗住訓半個鐘抖下 
一訓就訓左一個鐘 又要熱鬥小馬咁跑返去 
拎住件冷衫跑呀跑 跑到鞋都甩 

望下電話 原來小莉打左八次電話 留左三個sms 
問你無野呀嘛等等 無野就唔駛遲到啦  
返到班房箭步行返自己個位 
小莉問我:「你係咪食完藥訓到唔知醒呀 打極畀你都無人聽」 
我話:「聽到就唔會唔知醒啦 你又會打唔到都繼續打既」 
佢:「怕你有事呀嘛 到時又話我整病你又搞到你遲到」 
我懶得理佢 因為鼻翼真係好撚痛 

講完成班都好似有個好怪既氣氛 係咁望住我呢邊 
我心諗又乜撚呀 唔通又無拉褲鏈 
跟住佢地對眼一齊望      

果陣時既心情又係一生難忘 就算到將來 變老人痴呆 同傻撚坐埋一檯都記得 
無錯 個靚女竟然坐左係隔籬行

我問小莉:「條女邊個黎架」 
小莉:「今日轉校過黎架 聽佢講話原來早排就轉 但係屋企有事搞到而家先黎」 
我:「唔怪得之啦 原來係咁」 
佢:「原來係咁」 
我:「無野 上堂啦」 
跟住就開始上堂啦 

連堂放小息果陣 成班最有型又幾有米既鎚仔走過去撩佢 
講下佢背景先 佢玩運動好叻 份人又幾抵得諗 所以都幾得人歡心 
鎚仔同靚女講:「阿影呀 你平時玩乜多架 不如放左學同班同學食下午茶囉」 
果時先知佢個名 係呢度我用左化名 佢真名真係好型好正 同我果個比真係 
阿影:「唔得閒 下次先」 
鎚仔再死心不息問:「咁你打唔打排球之類架 我可以教你打喎 話晒都校隊嘛」 
阿影:「至撚憎人玩運動 成身臭汗味 唔好撚煩我ok」 

我同小莉 ---> ---> 

估唔到咁斯文既外表會咁爛口 真係畀佢嚇撚死 

小莉就同我講:「有人同你一樣喎 斯斯文文 認真嚇親人」 
我:「咦 學到野喎 幾時一齊嚇下人呀」 
小莉:「我覺得佢真係好靚 佢係我見過最靚既女仔」 
我:「你見過幾多人呀莉姐 圈子窄過屎眼」 
小莉:「你好核突」 
我:「又黎啦又黎啦 又咦咦哦哦啦」 

而家我有陣時都畀阿影講野嚇親 因為佢真係有我咁粗魯 

果日最尾係上化學堂 
教緊d計元素果d 我而家都畀返晒老師啦 
小莉個柒頭皮梗係唔識啦 

今堂佢係咁問 問到心都煩 
例如:「點樣計架」又或者「做乜呢個係鈣唔係鈉既」 
人地寫撚到明都問點解 
我問佢:「咁鍾意鈣點解唔買包鈣思寶飲下呢」 
佢即刻哭笑不得 

就放學果下小莉依舊幫我寫低有乜功課 
我等佢寫完就要即刻返屋企 因為今日約左人玩aoc 
佢今日唔知做乜姐手姐腳 平時寫得好快 
我催佢咁講:「快d啦 好慢呀」 
點知右手邊傳黎一把清脆既聲音 
但係內容係完全相反 
「咁撚大個人都要人幫你寫手冊 唔死都無撚用」 

我即刻 ---> 

即時答返佢:「關你鳩事咩 又唔撚係叫你幫我寫 況且佢自願 理咁多把撚咩」 

佢:「正人渣 對住女仔都講粗口」 

小莉:「你唔好嘈啦 寫完啦你快d走啦」 

呢個係我同阿影既第一次對話 
而家講返出黎都難以置信 
有一次同佢講返 佢話唔知點解係果一刻好想罵鳩我 
我即刻

返到屋企即刻開aoc 順便同盒仔佢地講下今日既野 
盒仔:「等我聽日去見識下先 腳哥你講到咁正咁索」 
我:「但係個性格仆街到不得了呢 多管閒事到傻」 
盒仔:「講黎聽下」 
我將頭先既野講返畀佢聽 
佢既反應係:「其實我都覺得你好仆街 做乜自己既野唔做要等人做呢 佢罵得岩不過太粗魯啦」 
我即時屌鳩佢 幫個外人都唔幫我 
平時係我同盒仔一team 今次唔係 
畀佢咁講完更加落力同認真 畀我贏左少少 用戟兵海+戰予兵搭人地其他兵屠鳩佢城 
贏左之後仲係話佢肉腳 條友係用普通話講 唔記得左係幾多號 

到左夜晚小莉打黎 
問完功課之後就話:「你覺得阿影靚唔靚呀」 
我答:「樣就幾好既 紮馬尾 唔算肥 粗幼適中既大脾 搞到鎚仔扯晒旗」 
佢:「咁即係你都覺得佢靚啦 咁又係 靚女係男仔都鍾意...」 
我:「咁又係呀 靚女有邊個唔鍾意」 
佢:「...............」 
我:「不過佢咁撚串就真係好罕見 我唔屌柒佢唔做人」 
佢:「佢又係幾恐怖既 個樣咁斯文竟然會咁爛口又惡 晒左佢個靚樣」 
我:「你都幾欣賞佢個樣喎 你又成日同女仔玩 唔通你係gay」 
佢:「又講無聊野 我做運動先 聽日見啦 byebye」 

佢所謂既做運動係跳下繩拉下筋 

十一月正式踏入冬季 
落葉伴隨著寒風輕輕落在你身旁 
之不過太撚凍搞到我無晒靚女望呢屌你 
我每日都會帶定五包以上紙巾+薄荷膏 冬天成日搞到我鼻敏感 

又係返到班房 個個都用緊暖蛋/包 
小莉隻手更加係-273度 掂一掂你真係凍傷 
呢排同阿影都無乜野講 一講野就爭執 
有單野好經典 同學聚會出黎都有講 

有次miss問完我野之後叫我揀個人問 
我諗都唔諗即刻問阿影:「阿影同學 你知唔知竹林深處強姦既中心主旨同埋村人整左d咩食物畀作者」 
佢:「個...個主旨...係...係講作者去旅行囉 食物...食物...食物...咪...咪糖水囉」 
成班笑到仆街    
我即刻串鳩佢:「lunch都未食就想食糖水 咁為食架你」 
仲要好撚型咁答:「作者係去竹林見到有戶人家係度再講竹既用途之類呀 去旅行 你估老殘遊記咩」 
佢即刻睥住我 仲要做口型同我講:「我屌你老母呀」 

結果係佢幫我拎粉筆同橡筋 
而家講返真係得啖笑 佢企起身口窒窒個樣真係好鬼抵死

小莉等我坐低就講:「你好衰呀 咁樣玩人地」 
全世界都知佢中文差到仆街 至多識寫自己個中文名咁滯 
我話:「而家唔玩等幾時玩 等佢平時仲笑面佛串柒柒咁」 
佢:「佢係對你先係咁 佢慢慢都同班同學玩得埋啦」 
我:「我鳩知佢咩 我份人好撚記仇」 
佢:「得啦得啦 又係咁講粗口」 

阿影個仆街認真仆街 果陣好鍾意痴住小莉 (後來先知係特登) 
搞到小莉覺得係我唔岩 因為無乜女仔頂得我順 
我果陣反問佢:「咁即係你都睇我唔順眼」 
小莉:「點會呢 你教我做功課又借衫畀我著又會陪我睇書」 
我:「咁你就唔好咁多嗲啦」 

鎚仔依然係咁溝佢 成日買d好貴零食同野飲畀佢 
但係阿影次次一等佢拎黎果陣就舉起中指 即係咁---> 
鎚仔就好似小食店咁有大批零食係班房 畀人低價購買 
盒仔佢班人都有黎睇阿影 肥兔就猛咁叫我介紹畀佢識 
我話:「無謂啦 有錢仔追都無用 我地追盞畀人屌老母就唔係幾好啦」 
肥兔:「咁又係 第二個講我都唔信 你同佢同班又識我地咁耐 無理由呃鳩我地」 
我:「係啦 條友痴撚線 下下屌人老母 正所謂誰人無父母 何必屌老母呢....」 

點知佢係我後面 

成班人即刻散晒 正仆街仔無義氣 
阿影:「男人黎講你都算仆街 仲要係仆街過仆街 成個八婆咁唱鳩我」 
我:「你好人好姐我唱你把撚咩 成日屌鳩人」 
阿影:「下次調位你條粉腸唔好坐我隔離呀 係就日日屌你屌到你人格分裂」 
我:「我驚你到時有位又要揀 無位又要爭咋柒頭」 
阿影:「係小莉先理你咋 我都唔明佢點解可以細細聲同你講野 同你講多兩句都想斬柒你啦仆街」 
我:「咁又係呀 話唔定佢好想斬柒我呢 你拉埋佢一team囉」 

鐘聲響起 又係時候返去啦 
點知小莉佢又變左呢個樣 

見到小莉咁既樣 即係又係我內疚心黎既時候 
我問佢:「做乜又整個便秘樣出黎」 

便秘樣係我幫佢改既 專用表情形容詞 
來源係有日痾屎痾唔出照下鏡 發覺自己個樣同佢表情差唔多 

佢一開頭都無理我 又係擰轉面 
問多幾次佢就開金口答:「你理我做乜喎 我鍾意做乜表情關你咩事呀...」 
我:「見到你咁都唔開胃啦 拿拿聲講出黎啦 係咪又有數唔識做呀」 
小莉口窒窒咁答:「你...你...你頭先同阿影傾咩傾得咁開心呀....」 
我即時好大反應咁話:「傾得開心 佢屌我老母呀 畀人屌老母都開心 」 

呢個舉動搞到我畀人記左個缺點 認真無辜 
理由係嚴重擾亂課堂秩序