[信不信由你] 青少年經歷: 12

阿影:「小莉你好大鑊喎 咁都唔識到時出難d真係學仆街腳話 涼粉都無得食呀」 
我:「屌你咩肥影 無啦啦又罵鳩我」 
小莉:「咁...咁點算呀... 死啦... 我仲係乜都唔識...」 
阿影:「唔緊要 今日一定教識你先走」 
我:「係囉 不過我走先」 
小莉:「真...真係架....」 
我:「梗係啦 我慣左考試之前有充足休息」 
小莉:「一齊溫啦 多d人好d...」 
我:「屌你打仗咩 多人溫書咪盞分心」 
小莉:「嗯....」 




阿影:「仆街你有種就走 我話撚到明你合格都整到你唔合格」 
我:「點整」 
阿影:「例如我特登話畀miss知你叫我通水畀你 如果唔通就點點點咁」 

我知個仆街一定做得出 因為佢真係戇撚鳩   

我:「痴撚線 溫書溫到咁撚樣....」 
阿影:「你睇下小莉個樣又慘又驚咁 你個撚樣可唔可以拎返少少心肝同人性出黎呀」 
我:「屌你 坐係度就叫有人性 咁你實大撚把啦」 
阿影:「屌你都晒鳩氣  小莉我地溫書啦」 




小莉:「阿腳一係你坐一陣就去打下機囉 不過記得...記得返黎呀」 
我:「你話架 溫個半鐘先打機」 
阿影:「屌你真係打靶都晒子彈」 
我:「屌你」 

跟住就開始三人溫書啦 

我印象中都幾多男仔睇望小莉佢地一眼至五六百眼 
可能小莉佢成日都去飲啦 出親街都好撚養眼 
果陣唔係好興連身裙 佢著就會特別顯眼 





我溫左一陣子就真係去左打機 
佢兩個都仲係雞同鴨講 
小莉永遠聽完都露出一個好撚疑惑既樣 
我覺得肥影已經算係識教人果種人 無理由會咁撚樣 

我出去期間亦都畀人點撚左去買野飲 
真係好撚麻煩 

我:「小莉既熱杏霜同西影既熱朱古力 成本連運費係四十蚊」 
小莉:「唔..唔該 杯野仲好暖」 
西影:「屌你點解我果杯凍既」 
我:「幾撚時有呀 咪鳩吹喎」 
西影:「柒頭你係咪買撚錯凍朱古力」 
小莉:「你飲唔飲杏霜架 我同你調囉」 




西影:「麻麻地 不過係咪要飲得多杏霜先會好似你咁白滑」 
小莉:「唔係啦 我都唔係成日飲杏霜 咁岩今日想飲咋嘛」 
我:「咁你即係認自己好白滑啦係咪」 
小莉又面紅咁話:「幾...幾時有..喎 我都唔滑」 
西影:「你睇你隻手... 白到反光....」 
我:「屌你班人唔係溫書既咩 係度教護膚 小莉你再唔溫書就聽含撚啦喎」 
小莉:「係喎 快d溫書啦」 
西影:「死賤腳你真係好仆街 人地同小莉傾下計輕鬆下又屌黎屌去 自己又走去打機 仆你個街」 
我:「西影你咪繼續同佢傾護膚囉 聽下考試果日出唔出」 
小莉:「阿腳都係想我溫書咋嘛 你唔好罵佢啦」 
西影:「小莉 呢條友賤骨頭黎架 你咁就佢做乜...」 
小莉繼續面紅紅似恐龍咁:「無..無呀 無就佢」 
我:「係囉 係就我就唔會叫我買野飲啦」 
西影:「收皮啦你 阿腳你可唔可以畀我斬你一刀 唔該你啦」 
我:「西影你可唔可以斬自己一刀 唔該你啦」 




小莉笑到訓係度... 仲畀人叫我地唔好嘈 

跟住我地就繼續溫書啦 

小莉真係好依賴人講畀佢聽 我諗無人係度教佢 佢連一題都唔識 
仲係用埋d最撚基本既方法 屌你計得黎都天光啦 柒頭 

再溫多幾日書就正式考試啦 
肥影佢直情一放學就返屋企溫書 
有次真係嚇撚死我同小莉 
鎚仔佢有次唔識死拎撚左肥影既筆記黎睇 
仲要講:「你有乜唔識我教你啦 做乜自己一個溫咁慘呀 阿腳同小莉都教唔到你」 
阿影:「屌你老母咩仆街 做乜鳩野拎我d野自己睇呀 我係鍾意自己溫呀柒頭」 
我同小莉  --->  





條撚樣真係有雙重人格 

果陣時間表出左啦 小莉見到就即刻打靶咁既樣 
因為考完英文就到數學 佢呢次仲唔仆街 
我就梗係無撚所謂啦 咩成績都ok 
跟住佢又撚夜媽媽打黎 

佢:「阿腳點算呀 我溫左都好似無溫咁既」 
我:「無溫咪抖下囉 反正呢幾日溫都唔會有咩成果」 
佢:「咁點得架 但係...」 
我:「收皮又有乜撚所謂」 
佢:「我好耐都未合格過啦」 
我果下真係笑到仆街 因為佢好認真講呢句野 我覺得係爆趣

佢:「你好衰架... 仲笑...」 




我:「因為真係好撚好笑 你咁認真講自己好耐未合格過」 
佢:「點算呀... 阿腳呀....」 
我:「屌你叫完我個名就合格啦咩 聽日一齊溫書啦」 
佢:「你唔駛溫英文咩」 
我:「同你一樣 都好耐未合格過 唔撚差在呢一次」 
佢:「哈哈哈哈哈 你好低能呀」 
我:「你都係啦柒頭」 

跟住第二日就一齊溫書啦 

果日同小莉去溫書 佢真係做撚晒準備 
由學期初既notes至果陣既level都有齊 
其實佢有mark低上堂教既野同肯聽書 點解會搞到咁撚樣既地步 
不過算啦 佢而家對數字上都無乜概念 慣撚左佢食飯成日計錯數 
入正題 

我約左小莉去附近既餐廳溫書 (唔係m記) 
天氣仲係凍到仆街 我依舊係包撚到成隻粽咁落去 
不過我記得果下係著左我件價值七九九既飲衫 因為無衫著洗撚晒  
小莉一見到我就問:「件衫幾時買架 幾好睇喎」 
我:「做乜撚咁好口 我陪你溫一陣咋 唔撚駛旨意我會長教」 
佢:「咁大反應做乜 問...問下咋嘛」 
我:「果次同肥影出去買咋嘛 佢老味條柒頭係都話要買呀 著完似個人咁樣 自己畀撚埋錢送畀我 成七百幾蚊」 
佢:「阿影對你真係好呀...七百幾蚊都買黎送畀你」 
我:「屌你啦 我畀返錢佢架 至撚怕欠人既 無啦啦送咁撚貴既野畀我 肯定之後要求一百億倍既回報  」 
佢:「其實你知唔知阿影對你好好架 成日咁樣諗人....」 
我:「對我好要日日屌老母」 
佢:「算啦 講極都係咁 我地去溫書啦 無時間啦」 
我:「唉 行啦 我都肚餓」 

跟住我地就行左去屋企附近既餐廳啦 

我一坐低就大叫:「老闆 a餐 熱好立克」 
老闆:「咁大個人仲飲熱好立克」 
屌你我好有印象畀佢咁講 佢條撚樣 
小莉又笑到傻左咁講:「阿腳你真係好低能呀 飲杯野都畀人話」 
我:「佢戇撚鳩咋嘛 我而家就轉野飲」 
再大叫:「頭先a餐轉熱啡 咁夠大個仔未呀」 
老闆:「小朋友要轉齋啡呀 畀甜d佢」 
我真係要禁佢老母訓係地 即刻帶佢返屋企呀屌 

小莉:「我要c餐飲熱杏霜 唔該」 
老闆:「靚女要c餐熱杏霜呀 沖濃d」 
我:「屌你你就靚女 屌那媽正人渣」 
小莉:「你個人真係... 人地講下笑咋嘛」 
我:「坐一坐食完野好溫書啦柒頭 如果唔係你係度訓啦」 
小莉:「死啦... 到中午啦.... 陣間要努力d先得」 
我:「你都努力左好耐啦」 
小莉:「係囉...都好似無乜成效」


食完野之後就開始溫書啦 
條撚樣真係柒下柒下 計黎計去都計唔到 

我:「小莉你不如今晚早d訓啦 你咁樣計法我又傷神你又傷神」 
佢:「你...你係咪唔耐煩啦 我都知自己蠢架啦....」 
我:「咁蠢又唔撚係死罪黎既... 你做多陣先 我坐係度休息下」 
佢:「好呀」 

我無記錯既話我同佢溫到六點幾七點就走左啦 因為開始好撚多人同嘈 條撚樣又話乜乜柒柒咁 
痾屎唔出賴地硬 

佢:「咁點算呀阿腳 我溫完仲係好似無溫過呀....」 
我:「我幫唔撚到你喎 盡晒人事都陪左你咁多日溫書 」 
佢:「 咁...咁我自己返去溫啦 唔...唔該你咁多日都陪我溫」 
我:「唉 又撚整呢d樣同呢d聲 麻撚煩 去我屋企溫啦屌」 
佢  --->  

佢:「做...做乜叫我去你屋企既」 
我:「你又撚話溫唔晒 唔通睇住你死咩...」 
佢面紅紅咁講:「你...你其實好..好人呀阿腳 你屋企人係唔係度呀」 
我:「咁仆街既你 我屋企人仲健在架喎」 
佢:「你..你好衰呀 成日都要咁諗人 你明明知我想講又要亂講野」 
我:「屌你唔玩你玩邊個呀」 
佢:「不過算啦 你有時真係幾好人 唔該」 
我:「屌 唔係有時 係成日 我天生就係一個好人」 
佢:「係啦係啦 但係我今日著得好普通咁見你屋企人好似唔係幾好喎」 
我:「屌邊撚個望你喎 你去溫書定同我屋企人鋤dee呀」 
佢:「咁...咁都唔可以失禮架嘛 我返去換一換衫先 搞掂打畀你 你落黎接我啦」 
我:「麻撚煩 快撚d呀 我要打機沖涼食飯訓覺」 
佢:「係啦 陣間見」 
我:「係咁先」 

我果下返左屋企訓覺 
同老母講陣間有個朋友上黎溫書 
老母:「睇下你陣間打機定溫書 唔好畀我聽到你講輸左呀 抵你死 或者早知郁快d之類既說話」 
我:「真係溫書 無呃你」 
老母:「睇下點」 

小莉過左個幾兩個鐘我老母煮完飯先打黎 

佢:「我搞掂啦 你落黎接我啦」 
我:「我老母飯都煮完你先岩岩黎 你自己上黎啦屌 密碼係xxxx」 
佢:「煮完飯 一係等你地食完飯先上黎啦」 
我:「食撚完都唔駛溫書啦 你上黎啦 下面又凍冰冰」 
佢:「咁好啦...」 

過左陣佢就上到黎 我去左開門 
我開完門見到小莉又係去飲咁 溫書駛唔駛執咁撚正呀 
屌你盒仔果班撚樣上黎永遠都係拖鞋 
佢竟然又係長褸+boot 痴撚線 

小莉塊面紅晒咁講:「un...uncle aunt你地好」 
老豆老母  --->  
因為佢地以為係盒仔借溫書個名走黎打機 

我老母仲要好似見到國家元首咁 
超級熱情 

老母:「我以為係盒仔 竟然係個靚女 快d坐快d坐」 
我:「靚女咩 我又唔覺喎」 
老豆:「食左飯未呀 一齊食呀 雖然無乜"食送"」 
老母:「阿腳快d拎多個碗同對筷子過黎 下面一定好凍 飲碗湯暖下身先」 
我:「佢好似食左野啦喎 唔駛啦」 
小莉:「係...係囉 我..我食左野啦 唔該aunt」 
我:「拿 你聽到啦 佢食左野」 
老母:「叫你拎黎就快d拎黎 飲碗湯啦」 
小莉:「咁..咁好啦 唔該」 

岩岩好小莉坐撚埋係檯度 
我仲諗住叫佢係我房等一陣 

老母:「你係咪同阿腳好好朋友架 第一次有女仔上黎咋」 
老豆:「成日都係一堆男仔」 
我:「唔通一堆女咩 係你就驚啦」 
小莉:「我同佢坐隔籬 佢好人叫我上黎教我」 
老母:「佢教人 教你打機」 
小莉:「唔..唔係呀 教我數學」 
老豆:「佢教到你咁應該我都教到你」 
我:「咁你教啦 我返房打下機先」 
老母:「成日打打打 人地小莉而家唔識呀 教下人係咪要死呀」 
我:「我唔教佢 咁佢而家上黎飲湯定食飯呀 就係教先叫佢上黎」 
老母:「小莉唔駛驚 條友仔傻傻地 你識晒先走啦」 
小莉:「我溫左好耐都唔識呀....」 
我:「佢識晒先走咁要等到我五十歲先得喎」 

我講完都唔覺有咩 但係小莉塊面紅晒 
老母亦都呆左咁望住我 我果下都唔知佢兩個做乜鳩 

老豆:「咁小莉你等到五十歲先囉 反正又唔多人 住幾十年都無所謂」 
小莉直頭唔出聲 
我:「養佢佢又唔識痾金送畀你 你睇下佢幾身光頸靚就知養佢要用好多錢啦」 
小莉:「幾...幾時有喎 係你覺得咋嘛」 
我:「日日著飲衫仲要同款都無 你玩我咩」 
老母:「成日都係咁 小莉女仔黎架 小莉唔駛理佢」 
小莉:「好呀」 

屌你果陣佢地傾左一大輪先開始溫書 
傾完我無記錯都九點幾啦 跟住又撚係辛苦我 

果晚我老豆老母已經當小莉係自己人咁同佢吹水 
再加係咁爆鳩我細個既柒野 
真係仆街過仆街