第一個活動終於結束,然後係第一活動輸左的人要“洗禮”,由頭到腳都要淋冷水,一時間尖叫聲滿天飛,我見阿草全身濕透不禁覺得佢可憐,早知果陣早d提佢快點走,甘就唔會濕哂。

之後第二個活動就抽籤上堂玩,阿條被抽中上台玩,一共有廿個人,玩“借物遊戲”,MC話要咩東西同數量幾多,上台的人就落台問下台的人借夠數合條件才算過第一關,最後留低就係勝利,輸左的全部要淋水,贏左好似有獎,於是我就為阿條打氣:「阿條加油啊!」

阿條的朋友和班上部分同學都知道我倆的關係,佢地一聽到我為阿條加油就吹口哨歡呼拍手炒熱,弄到我有點尷尬,不過阿條好興奮甘舉起兩隻手指的勝利手勢向我示意,我又覺得好開心不停拍手,沒有在意到周圍,只係小雅係我旁邊裝模作樣:「啊,閃爆啊!我副黑超去左邊?瞎啦!」
我白了一眼,留意台上狀況,第一次借物係波鞋五對,之後我見到阿條衝落台搵佢朋友,唔係借,係強搶佢地的鞋,一下子撞跌幾個人然後二話不說除去朋友的鞋,真係暴力!


雖然阿條對我好溫柔, 不過他同好友玩得好瘋狂, 他們D“威水史”我每次聽到都忍俊不禁,有時好搞笑,但更多數係好無情的玩意,我有時都覺得他們玩得好過份,但他們全部都自稱係精神康復病院逃出來,所以我放棄對他們包括阿條的“治療”,每次見到和聽到都一笑置之,只不過……
「啊!癡線佬啊!救命啊!」阿條好似就算拿夠數都繼續追佢的朋友要鞋,大概純粹係好玩吧……佢係夠鐘前衝返上台剛剛好完成任務。去到後期開始有d難,例如指定咩牌子咩顏色咩風格之類,如是者到第五關最後一卡,最後得番三個人,當然阿條都係其中之一啦!





但是我轉頭望向佢的朋友圈……阿條大部分的物件都係“借”朋友,所以他們的慘況都快要列入三級……,你可能問,點解唔反抗,就算係好朋友甘做都太過分?你以為他們真是無反抗乖乖順從你就錯啦,邊有可能無反抗,只是唔夠打!!
阿條曾經玩過散打,同埋他對人體結構相當熟悉,只要佢稍有差錯,他朋友絕對可以訓醫院……

題外話,我見到佢終於堅持到最後一關好興奮不停歡呼,然後我聽到有人叫我,唔通係小雅?她頭先話去廁所,唔係返到黎搵我唔到啊?
但回頭見到唔係小雅:「……阿草!你吹乾自己?」
「小雪同學好似成日都唔記得我個名。」

「哈哈,無辦法,你同我男朋友太似樣,我有d唔習慣,對不起。」
「我唔係怪責你……小雪同學,你覺得我點?」
「幾好人,做咩甘問?」
「淨係甘?」





……我識左阿草一個早上,佢希望我答咩?我只好絞盡腦汁,突然想起佢淋水果陣:「好老實,願賭服輸,幾好幾好。」我暗想,如果係阿條可能被人捉到受罪之前就逃之夭夭。
「你覺得我好好?」點頭點頭。
「你覺得我好老實好信得過?」點頭點頭。
「你願意考慮下我?」點……唔?

「其實……我第一眼見到你就鍾意你,我希望你考慮下我……」
……呃,咩情況?一定係我誤解他的意思!
「我希望你可以做我女朋友!」
嘩,我好似真係被人告白,好開心,才怪!




「我有男朋友喎!」
「我知道,不過我有相信可以比你男朋友做得更好!佢甘樣對佢嘅朋友,將來都唔會對你好,你諗下……」
唔係,你先係唔好對阿條有先入為主的偏見!
「阿條先唔係d甘嘅人!」
我氣憤反駁他,打算轉身離開他,結果他緊緊抓住我隻手唔比我走,我氣得想甩掉他的手,就在此時,阿條衝左落台跑向我這裡,然後單手一反......
「啊!!!!」阿草的慘叫聲響遍全個大堂,我驚叫:「阿條,唔好弄到人地骨折啊!」
「我只是整到他甩骹。」然後他再一拍,阿草隻手又接番落手臂,嚇我一跳。

然而係我進一步想罵阿條時,他默不作聲捉住拉我上台,我超驚訝,發生咩事?

Mc繼續主持大局:「嘩,呢位同學係最快喎,再慢多一步都會輸啦!今次的“借物”係『無價』之物……」
哦!頭先我淨係同阿草傾計害到我無聽到……原來主題係『無價』……唔?

「呢位″男″同學......」mc故意停頓下來然後意味深長問:「請問你旁邊的″女″同學係?」
mc講″男″″女″的時候故意加重語氣,台下的人聽到都意會到紛紛歡呼炒熱,只見阿條緊緊抱著我:「她係我女朋友。」






台下紛紛拍案叫絕狂歡舞動,小雅終於回來她一臉「服了你」的樣子為我拍手, 這時我倒想回到台下, 依加我的臉一定仲熟過紅蘋果, 偷偷抬頭望阿條, 卻發現他沒有看著我, 反而神情嚴厲望向台下, 於是我朝住他望緊的方向,發現佢狠狠盯住阿草不放, 而阿草都按住痛楚不甘示弱回望他, 只有我感覺到在場熱鬧狂歡之中, 兩人冰冷無情的氣氛。
已有 0 人追稿