【校園】【微甜】三日兩夜生前死後的宿營: 生前(14): 絕非幻覺也

終於過關完成每日任務，我地都好有默契收起手機，他牽起我微冷的手繼續我地本來的散步，其實果個阿草，我幾乎忘得一乾二淨，不過阿條提起佢我又不自覺想起佢，佢話佢鍾意我，老實說我只係感到錯愕而且我對佢一點都沒有愛慕的感覺都無，頂多只能做朋友，唔通真係好似小雅甘講甘唔要面？
更何況接近我無咩好處，我自認並非什麼天生麗澤仙女下凡又無錢無才，究竟有咩目的……
唉，愈諗愈頭疼，我都係放埋一二邊算啦。

風吹得愈來愈大，碰巧我見到一個女仔企係樹後，她穿著白t黑褲……咦？
唔通係我係跳舞室見過的她？我鬆開阿條隻手連忙跑過去樹旁，繞到她前面打招呼：「Hi, 又見啦！」
她明顯被我嚇一跳，幾乎成個人向後退，但是她好似忘記自己係靠住樹於是一頭栽後過去，嗚！睇落超痛，但是她係無理會反而好緊張好驚慌甘捉住我：「你點解會入到黎？！」
呃，咩意思, 難道係空曠既草地上都有分禁區定非禁區？但是我一個指示牌都見唔到......我估重點唔係呢度, 她沒理會我臉上充滿疑惑的表情，二話不說拉起我隻手就跑。

「等……」她連比我講野既時間都無，總之就拼緊吃奶之力跑，一邊跑一邊聽到後面好多聲音, 愈聽愈唔舒服, 好似有D野壓迫緊自己, 同埋腳步開始不穩, 想轉頭睇下咩事但係被她阻止左, 就係呢個時候我聽到阿條叫我:「小雪, 你係邊啊?」




聽聲唔見人，但是女仔愕然問我：「你朋友?」
我上氣不接下氣答她：「我......呼......我男朋友......」
她本來只係用一隻手捉住我, 突然連另一手都伸出掩住我眼, 並且同我講：「諗住你男朋友個樣, 跟住咩都唔好理一直向前跑。」

我完全一頭霧水不過都照樣跟住做, 但是其實我愈來愈唔舒服, 有點頭重腳輕既感覺, 開始唔想繼續跑想留係度, 有種邊度都不願去既感覺, 之後她無啦啦鬆開捉緊我既手, 再一野推我背脊向前, 我整個身就仆向前。
「嘩！！」
就係慘叫那刻，剛好有個又軟又硬又熱騰騰既野接住我：「小雪?! 嚇死我啦, 無啦啦走左去邊?」

係阿條啊, 講起又奇怪, 明明頭先累到一D唔想動, 依加成個人貼住阿條又咩事都無全身既力氣都返哂黎, 見到阿條佢攬到我好實, 依加我覺得自己就快窒息多點, 我輕輕推開佢比自己多DD空間呼吸, 跟住問佢:「發生咩事? 果女仔呢?」
「女仔?你咪女仔囉。」

佢完全唔明我問緊咩。
「唔係啊, 頭先我好似見到熟人, 跟住她無啦啦拉住我就跑, 又話叫我諗住你個樣, 最後仲要推我前搞到我差D就仆街......」

我左顧右盼完全見唔到她既蹤影，好奇怪，草地甘空曠只要她跑走阿條一定會見到，我想睇清楚d, 阿條覺得我係睇漏眼或者睇錯左無再為意，望一望身後的小樹林就牽著我手：「差不多時候，我地去大禮堂集合。」我唯有轉身跟著阿條走。

但係我好肯定，頭先果個女仔既唔係錯覺亦都唔係幻覺，因為她隻手用力推我，那冷涼的感覺好確實仲殘留係我背脊上。

我地兩個直接去大禮堂集合之後佢去返自己學生等候的位置同朋友集合，我見到小雅一身運動裝聽住歌雙手插袋企在一旁，如果唔認識小雅的人仲以為之後的活動係要用好多體力，畢竟除了她之外無一個女仔著到成身都係運動裝，我走過去拍她肩膀，她會意除下耳機：「嘻，你終於黎啦！件外套阿條加？」
「……好明顯？」
「點會睇唔出，他大隻過你又壯過你……不過算啦，因為好似都唔會點玩到出汗就係。」





係啊？我本來想甘問她，順便講下頭先既情況，不過見到她有點精神恍惚就算啦，可能出黎宿營有d唔習慣，我唔好意思再煩住她，我地坐低一二邊，直到學生會開咪：「各位同學，歡迎大家黎到今夜最後一日活動！！」

台下無數歡迎聲，突然間整個禮堂既燈熄滅，我聽得出係阿條間男校叫得最大聲，唯恐天下不亂，但係都好，氣氛無甘尷尬仲一下子就炒熱左，後來我先知係學生會故意甘做，因為台前既screen慢慢下來，投影機就非常配合甘播出影片，呃……其實我凈係見黑色一片，唔通係影片壞左？

「喂，你地知唔知後山有條路可以通去另一個世界？」
影片依然漆黑一片，不過有人聲播出，睇黎又係故意，學生會就係鍾意做埋多餘既事。
「無聽過喎，你係邊度收到風加？」
「我聽上年師兄師姐講，有個師姐好似失左蹤……」
「你吹啊，我從未聽過學校有學生唔見左！」
「因為後來她第二朝返左宿舍，但係唔好提前一日既記憶，她直頭語無倫次見人就咬完全失常，學校怕出事就一早送左個同學返屋企，大家睇番她手機紀錄發現有條好古怪既片……」